Kǒoka kue̱ʼe̱ kuumiíyó | ¿Ndáaña keʼé Reino Ndióxi̱?

“Xa̱ʼa̱ ña̱ va̱ása ku̱a̱ʼáka na̱ yiví kúúmií kue̱ʼe̱ COVID-19 va̱ása kúni̱ kachiña ña̱ kǒoka ña̱ʼa kundoʼoyó xíʼin ña̱yóʼo. Tá ná kixi inka kue̱ʼe̱, xíniñúʼu koo tu̱ʼvayó” (Ta̱ Tedros Adhanom Ghebreyesus, ta̱ kúú director general de la Organización Mundial de la Salud, 22 de mayo de 2023).

Ku̱a̱ʼání na̱ yiví xóʼvi̱kana xa̱ʼa̱ ña̱ xi̱kuumiína kue̱ʼe̱ ña̱ COVID-19. ¿Á xa̱a̱ íyo tu̱ʼva na̱ chíñu saátu na̱ doctor tá ná kixi inka kue̱ʼe̱? ¿Á kuchiñuna sándi̱ʼi̱-xa̱ʼa̱na kue̱ʼe̱ ña̱ xa̱a̱ íyo tiempo vitin?

Biblia káʼa̱nña Reino Ndióxi̱ ña̱ íyo chí ndiví kixáʼaña kaʼndachíñuña. Ña̱yóʼo va̱ʼaní kiʼinña kuenta xíʼinyó ta va̱ása kiʼinka kue̱ʼe̱ miíyó (Daniel 2:44). Ta nda̱a̱ ni iin na̱ yiví va̱ása ka̱ʼa̱nna “Ndeé ndóʼi̱” (Isaías 33:24). Ndiʼi na̱ yiví va̱ása kuumiíkana kue̱ʼe̱ ta koo ndee̱na nda̱a̱ táki̱ʼva íyo na̱ va̱lí (Job 33:25).