¿Á ndákanixi̱ní na̱ testigo Jehová ña̱ iinlá religión miína kúú ña̱ nda̱a̱?

Na̱ yiví xíniñúʼu kandíxana ña̱ kúsi̱í-ini Ndióxi̱ ta saátu ta̱ Cristo xíʼin religión ña̱ ndíku̱nna, saáchi tá va̱ása kándíxana ña̱yóʼo kúni̱ kachiña ña̱ va̱ása ndáyáʼviña nu̱úna.

Ta̱ Jesucristo kǒo níka̱ʼa̱nra ña̱ íyo ku̱a̱ʼá yichi̱ á religión ña̱ kivi sáka̱ku miíyó. Chi ña̱ ni̱ka̱ʼa̱nra kúú ña̱yóʼo: “Ta yéʼé ña̱ táñu xíʼin yichi̱ ña̱ táñu ña̱yóʼo kúú ña̱ taxi kutakuna ta loʼo kúú na̱ ndáni̱ʼí ña̱yóʼo” (Mateo 7:14). Ndi̱ʼi̱ na̱ testigo Jehová kándíxandi̱ ña̱ xa̱a̱ nda̱ni̱ʼíndi̱ ña̱ yichi̱ yóʼo. Xa̱ʼa̱ ña̱kán kǒo nándukúkandi̱ inka religión.