TÁʼVI 1

¿Ni̱saa kuvi kuniso̱ʼoyó ña̱ káʼa̱n Ndióxi̱?

Ndióxi̱ xíniñúʼura Tu̱ʼunra ña̱ ni̱kaʼyu xinaʼá ña̱ va̱ʼa káʼa̱nra xíʼinyó (2 Timoteo 3:16)

Nda̱a̱ nu̱ú íyo Jehová chí ndiví ni̱ka̱ʼa̱nra xíʼin ta̱a ka̱ʼyína Biblia

Ndióxi̱ ra̱ nda̱a̱ kúú ra̱ ni̱ka̱ʼa̱n xíʼin na̱ ta̱a, ña̱ ná kaʼyuna tu̱ʼunra nu̱ú tutu yi̱í. Tutu yi̱í yóʼo kúú ña̱ naní Tu̱ʼun Ndióxi̱. Nu̱ú ña̱yóʼo va̱xi tu̱ʼun ña̱ ndíáyáʼvika, ta kúni̱ Ndióxi̱ ná kunda̱a̱-iniún xa̱ʼá ña.

Ndióxi̱ xíni̱ra ndíá ña̱ keʼéyó ta saá va̱ʼa kooyó, ta xíʼin ra̱kán íyo ndiʼi ña̱ ndíchi. Átu ná kuniso̱ʼún ña̱ káʼa̱nra, saá kúú ña̱ ndixa ndíchi kooún (Proverbios 1:5).

Ku̱a̱ʼání nu̱ú tu̱ʼun íyo Biblia; iin ta̱a káʼvira Biblia tu̱ʼun miíra

Ndióxi̱ kúni̱ra, túkúndiʼi na̱ ndóo nu̱ú Ñuʼú yóʼo ná kaʼvina Tu̱ʼunra. Vitin xa̱ ku̱a̱ʼání nu̱ú tu̱ʼun íyo ña.

Átu kúni̱ún kuniso̱ʼún ña̱ káʼa̱n Ndióxi̱, xíniñúʼu kaʼviún Tu̱ʼunra ta kunda̱a̱-iniún ña̱ káʼa̱nra.

Iníí saá nu̱ú Ñuʼú yóʼo, na̱ yiví xa̱ xíniso̱ʼona Tu̱ʼun Ndióxi̱ (Mateo 28:19)

Iin ta̱ testigo Jehová káʼvira Biblia nu̱ú iin ta̱a, ta vitin sánáʼa̱rara xa̱ʼa Biblia

Na̱ testigo ra̱ Jehová kuvi chindiétáʼana xíʼún ña̱ sákuaʼún xa̱ʼá Tu̱ʼun Ndióxi̱.

Na̱yóʼo sánáʼa̱ ña̱ nda̱a̱ xa̱ʼá Ndióxi̱ nu̱ú Ñuʼú yóʼo.

Reunión ti̱xin ña̱ Salón ña̱ Reino na̱ testigo Jehová

Va̱ása chaʼviún xa̱ʼá ña̱ sana̱ʼa̱na yóʼo̱. Saátu kuvi sakuaʼún xa̱ʼá Ndióxi̱ Veʼe nu̱ú Ndákutáʼan na̱ Testigo ra̱ Jehová.