Sakuaʼaka ña̱ va̱ʼa sanáʼa̱kaún: Sakuaʼa ña̱ va̱ʼa kuniñúʼún jw.org.

¿NDA̱CHUN XÍNIÑÚʼU KEʼÉYÓÑA? Ndiʼi tutu ña̱ kúúmiíyó chíndaʼáña miíyó ña̱ ki̱ʼviyó nu̱ú jw.org. Saátu ña̱ tarjeta xíʼin ña̱ tratado ¿Ndáa míí va̱ʼa kunda̱a̱-iniyó xa̱ʼa sava ña̱ ndáka̱tu̱ʼunyó miíyó? Ña̱yóʼo na̱kuva̱ʼaña ña̱ chindeé táʼanña xíʼin na̱ yiví ña̱ va̱ʼa ki̱ʼvina nu̱ú Internet. Kuchiñu kuniñúʼuyó ña̱ jw.org ña̱ chindaʼáyó ndiʼi tutu ña̱ kúúmiíyó nu̱ú inkana á kivitu chindaʼáyóña nu̱ú celular á computadora. Va̱ʼaní ña̱yóʼo chi chíndeé táʼanña xíʼinyó ña̱ natúʼunyó xíʼin na̱ káʼa̱n inka nu̱ú tu̱ʼun. Savatu ndákuiinyó pregunta ña̱ káʼa̱nna xíʼinyó ña̱ kǒo va̱xi nu̱ú tutu ña̱ kúúmiíyó. Xa̱ʼa ña̱yóʼo, tá va̱ʼaní xíniñúʼuyó ña̱ Internet, saá va̱ʼaní sanáʼa̱yó na̱ yiví xa̱ʼa Ndióxi̱.

¿NDÁA KI̱ʼVA KEʼÉYÓÑA?

• 

  Kuniñúʼu ña̱ va̱xi “ENSEÑANZAS BÍBLICAS”.a Ná kachiyó saá. Tá kúni̱yó ka̱ʼa̱nyó xíʼin iin ta̱ íyo se̱ʼe ndáaña xíniñúʼu keʼéra ña̱ va̱ʼa sákuaʼnura se̱ʼera, kuchiñu ki̱ʼviyó nu̱ú káʼa̱nña ENSEÑANZAS BÍBLICAS > EL MATRIMONIO Y LA FAMILIA.

• Kuniñúʼu ña̱ va̱xi “PUBLICACIONES”. Ná kachiyó saá, kúni̱ún ka̱ʼún xíʼin iin na̱ káʼviún xíʼin ta kúni̱ún sanáʼúnna ña̱ folleto Respuestas a 10 preguntas de los jóvenes, ki̱ʼviyó nu̱ú káʼa̱nña PUBLICACIONES > OTRAS PUBLICACIONES.

• Kuniñúʼu ña̱ va̱xi “SOBRE NOSOTROS”. Ná kachiyó saá, káʼún xíʼin iin na̱ káchíñún xíʼin ta kúni̱ún ka̱ʼún xíʼinna xa̱ʼa ña̱ kándíxaún Ndióxi̱, ki̱ʼvi nu̱ú káʼa̱nña SOBRE NOSOTROS > PREGUNTAS FRECUENTES.

TÁNDI̱ʼI XI̱TONDÓ VIDEO SAKUAʼA ÑA̱ VA̱ʼA KUNIÑÚʼÚN JW.ORG, KOTO NDÁA MÍÍ KI̱ʼVIÚN NU̱Ú INTERNET ÑA̱ VA̱ʼA NDANI̱ʼÚN IIN IIN ÑA̱ VA̱XI YÓʼO:

• Ña̱ ka̱ʼa̱nyó xíʼin iin na̱ yiví na̱ kǒo kándíxa Ndióxi̱.

• Ña̱ sándi̱koyó-ini iin na̱ sa̱kán ni̱ya̱ʼa nu̱ú iin tu̱ndóʼo.

• Tá kúni̱yó chindeéyó iin na̱ kǒoka ndíʼi̱-ini xa̱ʼa chiñu Ndióxi̱.

• Ndáa míí kée xu̱ʼún ña̱ xíniñúʼu na̱ ñuu Ndióxi̱.

• Ña̱ chindeéyó iin na̱ yiví na̱ ndóo inka ñuu ña̱ ndani̱ʼína iin congregación nu̱ú ku̱ʼu̱nna tá ná ndikóna ñuuna.