¿Ndáa ña̱ʼa kúú ña̱ ndáyáʼviníka nu̱úi̱?

Ta̱ Jacob ka̱nitáʼanra xíʼin iin ángel ña̱ va̱ʼa ndakiʼinra iin ña̱ ndáyáʼviní: bendición Jehová (Gé 32:24-31; Os 12:3, 4). Ta, ¿miíyó? ¿Á chíka̱a̱yó ndee̱ ña̱ kuniso̱ʼoyó ndiʼi ña̱ káʼa̱n Jehová tasaá va̱ʼa ndakiʼinyó ndiʼi bendición ña̱ táxira? Iin ejemplo, sava yichi̱ xa̱a̱ kíxa̱a̱ hora ña̱ ku̱ʼu̱nyó reunión ta íyoní chiñu nu̱úyó, ¿á kindooyó kachíñuyó á ku̱ʼu̱nyó reunión?, ¿ndáa ña̱ keʼéyó? Tá táxiyó ndaʼa̱ Jehová tiempoyó, ndee̱yó xíʼin ña̱ʼa ña̱ kúúmiíyó, ku̱a̱ʼání bendición taxira ndaʼa̱yó ta nda̱a̱ ni iin ña̱ʼa kǒo kuma̱ní nu̱úyó (Mal 3:10). Chindeétáʼanra xíʼinyó, kundaara miíyó, ta miíra taxi ña̱ ndixa xíniñúʼuyó (Mt 6:33; Heb 13:5).

TÁNDI̱ʼI XI̱TONDÓ VIDEO CHIKA̱A̱ NDEE̱ ÑA̱ KEʼÚN CHIÑU ÑA̱ NDA̱KAXIÚN KEʼÚN NU̱Ú NDIÓXI̱, NDAKUIINNDÓ PREGUNTA YÓʼO:

• 

  ¿Ndáa tu̱ndóʼo kúú ña̱ ni̱ya̱ʼa iin ñá hermana nu̱ú?

• 

  ¿Nda̱chun kivi kasi chiñu ña̱ kúúmiíyó nu̱úyó ña̱ kachíñuyó nu̱ú Ndióxi̱?

• 

  Ni ta̱ xa̱a̱ xu̱xa ini kúú ta̱ Timoteo xíʼin tu̱ʼun Ndióxi̱, ¿nda̱chun xi̱niñúʼu ndakanika̱xi̱níra ndáa chiñu kúú ña̱ keʼéra nu̱ú Ndióxi̱? (1Ti 4:16).

• 

  ¿Ndáa ña̱ xíniñúʼu keʼéyó ña̱ va̱ʼa na̱ʼa̱yó ndáa chiñu kúú ña̱ ndáyáʼvi va̱ʼaka nu̱úyó?