Ná ndasakáʼnuyó ki̱vi̱ Jehová xíʼin ña̱ kooyó precursor

Na̱ ñuu Israel xi̱niñúʼu ndasakáʼnuna Jehová, saáchi ta̱várana ti̱xin ñuu Egipto, saátu sa̱kǎkurana nu̱ú na̱ soldado ta̱ faraón (Éx 15:1, 2). Nda̱a̱ tiempo vitin saá ndáa Jehová na̱ ñuura. ¿Ndáa ki̱ʼva taxiyó tíxa̱ʼví ndaʼa̱ Jehová xa̱ʼa̱ ndiʼi ña̱ kéʼéra xa̱ʼa̱yó? (Sl 116:12).

Iin ña̱ kivi keʼéyó kúú ña̱ kooyó precursor auxiliar á regular. Ná ka̱ʼa̱nyó xíʼin Jehová ña̱ chindeétáʼanra xíʼinyó, saátu ná ndukúyó ndee̱ nu̱úra ña̱ chindeétáʼanra xíʼinyó ña̱ keʼéyó chiñu yóʼo (Flp 2:13). Ku̱a̱ʼání na̱ hermano siʼna precursor auxiliar xíyona. Tá kúú ña̱ yo̱o̱ marzo xíʼin abril, saátu tá xíyo ña̱ visita ta̱ superintendente ña̱ circuito, kivi ndataxiyó 30 á 50 hora ña̱ yo̱o̱ kán. Tá xa̱a̱ precursor auxiliar kúúyó kivi xa̱a̱yó ku̱a̱ʼáka chiñu keʼéyó nu̱ú Jehová ta nda̱a̱ kivi xa̱a̱yó kooyó precursor regular. Nda̱a̱ sava na̱ hermano na̱ káchíñu ndiʼi ki̱vi̱ sáatu sava na̱ hermano na̱ ndeéndóʼo xáa̱na kúuna precursor regular (mwb16.07 8). ¿Á su̱ví xíniñúʼu chika̱a̱yó ndee̱ ña̱ keʼéyó ña̱yóʼo xa̱ʼa̱ Jehová ña̱ va̱ʼa ndasakáʼnuyóra? (1Cr 16:25).

TÁNDI̱ʼI XI̱TONDÓ VIDEO U̱NI̱ NÁ HERMANA NÁ ÑUU MONGOLIA, NDAKUIINNDÓ PREGUNTA YÓʼO:

• 

  ¿Ndáa tu̱ndóʼo kúú ña̱ ni̱ya̱ʼa ná hermana yóʼo nu̱ú ta saá ni̱xa̱a̱ná ku̱uná precursora?

• 

  ¿Ndáa bendición kúú ña̱ ndákiʼinná?

• 

  Xa̱ʼa̱ ña̱ kúúná precursora, ¿ndáa inka chiñu kúú ña̱ nda̱kiʼinná ña̱ va̱ʼa kachíñukaná nu̱ú Jehová?

• 

  ¿Ndáa ki̱ʼva chi̱ndeétáʼan ña̱ ke̱ʼéná xíʼin inkana?