Viíní sánáʼa̱ Ndióxi̱ miíyó ña̱ natúʼunyó xíʼin ndiʼi na̱ yiví

Nda̱a̱ táki̱ʼva ke̱ʼé Jehová ña̱ viíní chi̱ndoora na̱ ñuu Israel tá xi̱ndoona chí nu̱ú ñuʼú yi̱chí, ki̱ʼva saá viíní sánáʼa̱ra na̱ ñuura tiempo vitin ña̱ viíní kachíñuna nu̱úra. Tá kúú chiñu ña̱ kéʼéna ti̱xin Betel, ti̱xin circuito, ti̱xin congregación saátu grupo ña̱ predicación, ta ku̱a̱ʼání na̱ hermanoyó viíní ndákutáʼanna tá ku̱a̱ʼa̱nna natúʼunna xa̱ʼa̱ Ndióxi̱ xíʼin ndiʼi na̱ yiví, ta nátúʼunna xíʼin na̱ yiví na̱ káʼa̱n inka nu̱ú tu̱ʼun (Ap 14:6, 7).

¿Á xa̱a̱ ndákanixi̱níún ña̱ sákuaʼún inka nu̱ú tu̱ʼun ña̱ va̱ʼa natúʼún xíʼin na̱ yiví xa̱ʼa̱ Ndióxi̱? Tá kǒo tiempo nu̱ún ña̱ sákuaʼún inka tu̱ʼun, kivi sákuaʼún iin presentación ña̱ va̱ása yo̱ʼvi̱ ña̱ va̱xi nu̱ú ña̱ aplicación JW Language. Kusi̱ní-iniún tá ná sakúaʼún ña̱ va̱xi nu̱ú ña̱ aplicación yóʼo, ta kundoʼún nda̱a̱ táki̱ʼva ndo̱ʼo na̱ hermano na̱ xi̱ndoo tá siglo nu̱ú, na̱yóʼo ku̱siíní-inina tá na̱túʼunna xa̱ʼa̱ Ndióxi̱ xíʼin inka na̱ yiví na̱ káʼa̱n inka nu̱ú tu̱ʼun (Hch 2:7-11).

TÁNDI̱ʼI XI̱TONDÓ VIDEO ÑA̱ NANÍ VA̱ʼA KOÚN MIGO JEHOVÁ: NATÚʼUN XÍʼIN NA̱ YIVÍ NA̱ KÁʼA̱N INKA TU̱ʼUN, NDAKUIINNDÓ PREGUNTA YÓʼO:

• 

  ¿Ama kúú ña̱ kivi kuniñúʼuyó ña̱ JW Language?

• 

  ¿Ndáa ña̱ʼa kúú ña̱ va̱xiní nu̱ú ña̱ aplicación yóʼo?

• 

  ¿Ndáa tu̱ʼun kúú ña̱ káʼa̱n na̱ yiví territorio ña̱ kúúmiíyó?

• ¿Ndáaña xíniñúʼu keʼéyó tá iin na̱ yiví na̱ káʼa̱n inka nu̱ú tu̱ʼun kúni̱na sákuaʼana xa̱ʼa̱ Ndióxi̱? (od-S 100 párr. 39-41).