ÑA̱ KÉʼÉYÓ NA̱ TESTIGO

Ná kǒo taxiyó ña̱ ná kaʼndachíñu tá ndixi nu̱úyó

Iin na̱ʼná ña̱ va̱xi nu̱ú video ña̱ naní Kiʼin kuenta ña̱ va̱ása koʼo ku̱a̱ʼáníún ndixi. Iin ko̱o̱ kítarí yuʼú iin copa ña̱ níʼi iin ta̱a.

Miíyó na̱ ndásakáʼnu Ndióxi̱ xíniñúʼu kiʼinyó kuenta tá kúni̱yó koʼoyó ndixi á tá káʼa̱nna xíʼinyó koʼoyórá (Pr 23:20, 29-35; 1Co 6:9, 10). Tá iin na̱ ndásakáʼnu Ndióxi̱ ndáka̱xinna ña̱ koʼona ndixi xíniñúʼu kiʼinnína kuenta nda̱saa ndixi koʼona, ña̱ va̱ása sandákavana-ini inkana xíʼin ña̱ kéʼéna (1Co 10:23, 24; 1Ti 5:23). Ta saátu va̱ása xíniñúʼu ixandúxayó xíʼin inkana ña̱ koʼona ndixi, tá kúú na̱ va̱lí kúa̱an va̱ása ixandúxayó xíʼinna ña̱ koʼonará.

TÁNDI̱ʼI XI̱TONDÓ VIDEO ÑA̱ NANÍ KIʼIN KUENTA ÑA̱ VA̱ÁSA KOʼO KU̱A̱ʼÁNÍÚN NDIXI, NDAKUIINNDÓ PREGUNTA YÓʼO:

¿Nda̱chun xíniñúʼu kundiku̱nyó ley ña̱ káʼa̱n xa̱ʼa̱ tá ndixi ñuu nu̱ú íyoyó? (Ro 13:1-4).
¿Nda̱chun va̱ása xíniñúʼu taxiyó ña̱ ixandúxa inkana xíʼinyó ña̱ koʼoyó ndixi? (Ro 6:16).
¿Ndáaña xíniñúʼu keʼéyó ña̱ va̱ása kixi tu̱ndóʼo nu̱úyó?