Ndáa ki̱ʼva kusi̱íka-iniyó tá káʼviyó relato ña̱ va̱xi nu̱ú Biblia

Nu̱ú Biblia va̱xi ku̱a̱ʼání relato ña̱ sánáʼa̱ ña̱ ndáyáʼviní miíyó. Iin ña̱ kivi chindeétáʼan xíʼinyó ña̱ va̱ʼa kunda̱a̱-iniyó xíʼin ña̱ káʼviyó kúú ña̱ ndakanixi̱níyó xa̱ʼa̱ ña̱yóʼo. Ná kotoyó sava ña̱ chindeétáʼan xíʼinyó ña̱ va̱ʼa kusi̱í-iniyó tá káʼviyó.

• Ndeé ná kaʼviyó. Saá kúú ña̱ kivi ndakanixi̱níyó ndáa ki̱ʼva ku̱u ña̱ káʼviyó xa̱ʼa̱. Tá káʼviyó xíʼin na̱ veʼeyó kivi ka̱ʼa̱nyó xíʼin iin tá iin na̱yóʼo ña̱ ná kaʼvina ña̱ xa̱a̱ síín síín ni̱ka̱ʼa̱n na̱ káʼviyó xa̱ʼa̱.

• Ná ndakanixi̱níyó xa̱ʼa̱ ña̱ ku̱u. Ná ndakanixi̱níyó ña̱ miíyó kúú na̱ yiví na̱ káʼviyó xa̱ʼa̱ ña̱ va̱ʼa kunda̱a̱-iniyó ndáaña ndo̱ʼona ta ndáaña nda̱kanixi̱nína. Kivi nda̱ka̱tu̱ʼunyó ña̱yóʼo miíyó: “¿Nda̱chun ni̱ka̱ʼa̱nna á ke̱ʼéna ña̱yóʼo? ¿Ndáaña keʼíi̱ á ndáaña ndoʼi̱ tá miíi̱ ná ndoʼo ña̱yóʼo?”.

• Ná keʼéyó dibujo. Sana kǒo xíni̱víyó keʼéyó dibujo soo tá ná keʼéyó ña̱yóʼo saá kúú ña̱ va̱ʼaníka ndakanixi̱níyó xa̱ʼa̱ ña̱ ku̱u ta ndakaʼányó xa̱ʼa̱ña.