¿Nda̱chun xíka na̱ testigo Jehová veʼe tá veʼe?

Ta̱ Jesús xa̱ʼndara chiñu nu̱ú na̱ xi̱ndiku̱n miíra ña̱ ná ku̱ʼu̱nna natúʼunna xíʼin na̱ yiví iníísaá ñuyǐví ña̱ va̱ʼa ná kundiku̱nnara (Mateo 28:19, 20). Tá chi̱ndaʼárana ña̱ ku̱ʼu̱nna natúʼunna xa̱ʼa̱ Ndióxi̱, ni̱ka̱ʼa̱nra xíʼinna ña̱ ná ku̱ʼu̱nna veʼe na̱ yiví (Mateo 10:7, 11-13). Tá ni̱xi̱ʼi̱ ta̱ Jesús, na̱ cristiano na̱ ni̱xi̱yo tá siglo nu̱ú nda̱kundeéna na̱túʼunna xa̱ʼa̱ Ndióxi̱ nu̱ú íyo ku̱a̱ʼá na̱ yiví ta saátu veʼe tá veʼe (Hechos 5:42; 20:20). Ta nda̱a̱ tiempo vitin ndíku̱nyó yichi̱ na̱ cristiano na̱ ni̱xi̱yo tá siglo nu̱ú, ta kíʼinyó kuenta ña̱ tá ku̱a̱ʼa̱nyó veʼe na̱ yiví va̱ʼaníka xíniso̱ʼo savana saá.