¿Ndáa míí ka̱na ki̱vi̱ na̱ testigo Jehová?

Ña̱ Biblia káʼa̱nña ki̱vi̱ Ndióxi̱ kúú Jehová (Éxodo 6:3; Salmo 83:18). Iin na̱ testigo kúú na̱ nátúʼun xa̱ʼa̱ ña̱ kándíxana.

Xa̱ʼa̱ ña̱ nátúʼunndi̱ ña̱ nda̱a̱ xa̱ʼa̱ Jehová ta̱ i̱xava̱ʼa ndiʼi ña̱ʼa, xa̱ʼa̱ ña̱kán kúú ña̱ naníndi̱ testigo Jehová (Revelación [Apocalipsis] 4:11). Saátu nátúʼunndi̱ xíʼin inka na̱ yiví xa̱ʼa̱ ña̱ sákuaʼandi̱ nu̱ú Biblia, ta saátu náʼa̱ndi̱ ña̱ ndásakáʼnundi̱ Ndióxi̱ xíʼin ña̱ kéʼéndi̱ á xíʼin ña̱ káʼa̱nndi̱ (Isaías 43:10-12; 1 Pedro 2:12).