¿Nda̱chun xíniñúʼu kuniñúʼuyó ki̱vi̱ ta̱ Jesús tá xa̱a̱ ndíʼi kéʼéyó oración?

Ña̱ káʼa̱n Biblia xa̱ʼa̱ ña̱yóʼo

Ndióxi̱ kúni̱ra ná kuniñúʼuyó ki̱vi̱ ta̱ Jesús tá kéʼéyó oración. Iinlá ki̱vi̱ ta̱ Jesús xíniñúʼu kuniñúʼuyó tá xa̱a̱ sándiʼiyó kéʼéyó oración. Mií ta̱ Jesús ni̱ka̱ʼa̱n ña̱yóʼo: “Yi̱ʼi̱ kúú yichi̱, yi̱ʼi̱ kúú ña̱ nda̱a̱ ta kúúmiíi̱ ña̱ táku. Nda̱a̱ ni iinna kǒo kivi xa̱a̱ nu̱ú yivái̱ tá su̱ví xa̱ʼa̱ yi̱ʼi̱ kúúña” (Juan 14:6). Ta saátu ni̱ka̱ʼa̱nra ña̱yóʼo xíʼin na̱ apóstolra: “Nda̱a̱ ndáaka ña̱ ná ndukúndó nu̱ú yivái̱ xa̱ʼa̱ ki̱víi̱, taxivaraña ndaʼa̱ndó” (Juan 16:23).

Inkaka xa̱ʼa̱ ña̱ ndáyáʼviní kuniñúʼuyó ki̱vi̱ ta̱ Jesús tá kéʼéyó oración

• Saá náʼa̱yó ña̱ íxato̱ʼóyó ta̱ Jesús xíʼin yivára Jehová (Filipenses 2:9-11).

• Saá náʼa̱yó ña̱ táxiyó tíxa̱ʼvi xa̱ʼa̱ ña̱ ni̱xi̱ʼi̱ ta̱ Jesús xa̱ʼa̱yó, chi ta̱yóʼo kúú ta̱ chi̱ndaʼá Ndióxi̱ ña̱ sakǎkura miíyó (Mateo 20:28; Hechos 4:12).

• Saá náʼa̱yó ña̱ ndákuniyó ña̱ iinlá ta̱ Jesús kúú ta̱ kivi ka̱ʼa̱n xíʼin Ndióxi̱ xa̱ʼa̱yó (Hebreos 7:25).

• Saá náʼa̱yó ña̱ íxato̱ʼóyó chiñu ña̱ kúúmií ta̱ Jesús ña̱ kúúra “su̱tu̱ káʼnu”, saáchi chíndeétáʼanra xíʼinyó ña̱ vií kutáʼanyó xíʼin Ndióxi̱ (Hebreos 4:14-16).