Nota

b Hechos 13:44-48: “Ta inka sábado, ndiʼi na̱ yiví ña̱ ñuu kán nda̱kutáʼanna ña̱ va̱ʼa kuniso̱ʼona tu̱ʼun Jehová. Tá xi̱ni na̱ judío na̱ yiví yóʼo, ni̱sa̱a̱nína, xa̱ʼa ña̱yóʼo ki̱xaʼána káʼa̱n ndi̱va̱ʼana xa̱ʼa ña̱ nátúʼun ta̱ Pablo. Soo ta̱ Pablo xíʼin ta̱ Bernabé nda̱kuiinna xíʼin ña̱ ndakú-ini ta ni̱ka̱ʼa̱nna: “Na̱ nu̱ú xíniñúʼu natúʼunndi̱ xíʼin xa̱ʼa Ndióxi̱ kúú ndóʼó. Soo xa̱ʼa ña̱ kǒo níxiindó kuniso̱ʼondó ta kǒo níkandíxandó, ta xa̱ʼa ña̱yóʼo va̱ása taxira ña̱ kutakundó ndiʼi tiempo, soo vitin ku̱ʼu̱nndi̱ natúʼunndi̱ xíʼin na̱ kǒo kúú judío. Mií Jehová kúú ta̱ ni̱ka̱ʼa̱n xíʼinndi̱ tu̱ʼun yóʼo: ‘Chindaʼíi̱ yóʼó ña̱ ku̱ʼu̱n natúʼún xíʼin na̱ yiví ta koún táki̱ʼva íyo iin ñuʼu̱, tasaá va̱ʼa ka̱ku na̱ íyo iníísaá ñuyǐví yóʼoʼ”. Tá xi̱niso̱ʼo na̱ kǒo kúú ñuu Israel ña̱yóʼo, ni̱kusi̱íkaví-inina ta ki̱xaʼána ndásakáʼnuna Ndióxi̱. Ta na̱ ndinuʼu-ini kúni̱ kutaku ndiʼi tiempo, ka̱ndíxana tu̱ʼunra”.