Nota

b Revelación 7:9-14: “Tándi̱ʼi ku̱u ña̱yóʼo, ku̱a̱ʼání na̱ yiví xi̱nii̱, ta ni iinna kǒo kúchiñu kaʼvi-ñaʼá chi ku̱a̱ʼání kúúna, ndiʼi ñuu ke̱ena, ñuu válí, ñuu náʼnu ta saátu na̱ káʼa̱n inka tu̱ʼun ndítana nu̱ú trono xíʼin nu̱ú ta̱ íyo táki̱ʼva íyo ndikachi, ta ndíxina ti̱ko̱to̱ káni̱ ña̱ yaa ta níʼina yu̱ku̱ ndaʼa̱ tú palmera. Ta ndeéní káʼa̱nkana ta káchina: ‘Ña̱ ni̱ka̱kuyó tíxa̱ʼvi Ndióxi̱yó kúúña, ta̱ íyo nu̱ú trono, ta saátu ta̱ íyo táki̱ʼva íyo ndikachiʼ. Ta ndiʼi na̱ ángel ndítana iníísaá sa̱tá tú trono, ta saátu na̱ anciano xíʼin ku̱mí na̱ ángel na̱ xa̱a̱ síín íyo, ta nda̱kuxítína nu̱ú trono ta nda̱sakáʼnuna Ndióxi̱, ta ka̱china: ‘Saá ná koo. Ña̱ bendición, ña̱ ndúkáʼnu, ña̱ ndíchi, ña̱ taxiyó tíxa̱ʼvi, ña̱ to̱ʼó xíʼin ña̱ ndee̱ ná ndakiʼin Ndióxi̱yó ña̱yóʼo ndiʼi tiempo. Saá ná kooʼ. Ta ni̱ka̱ʼa̱n iin ta̱ anciano xíʼi̱n: ‘Ta na̱ ndíxi ti̱ko̱to̱ náni̱ ña̱ yaaka, ¿ndáana kúúna, ta ndáa míí ki̱xina?ʼ Saá ndi̱ku̱n kama ni̱ka̱ʼi̱n xíʼinra: ‘Táta miíún kúú ta̱ xíni̱i̱ʼ. Ta ni̱ka̱ʼa̱nra xíʼi̱n: ‘Na̱yóʼo kúú na̱ ni̱ya̱ʼa nu̱ú tu̱ndóʼo káʼnu, ta vitin nda̱katana ti̱ko̱to̱ káni̱na ta nda̱sayaanaña xíʼin ni̱i̱ ta̱ íyo táki̱ʼva íyo ndikachiʼ”.