Nota

d Marcos 10:17-22: “Tá ki̱tara ku̱a̱ʼa̱nra chí yichi̱ nda̱kutáʼanra xíʼin iin ta̱a ta̱ xínu ki̱xaa̱ nu̱úra ta xi̱kuxítíra nu̱úra ta ni̱nda̱ka̱tu̱ʼunrara: ‘Maestro yóʼó kúú ta̱ va̱ʼaní, ¿ndáaña xíniñúʼu keʼíi̱ ña̱ va̱ʼa kutakui̱ ndiʼi tiempo?ʼ. 18 Ta̱ Jesús ni̱ka̱ʼa̱nra: “¿Nda̱chun káʼún ta̱ va̱ʼa xíʼi̱n? Kǒo ni iinna va̱ʼa, iinlá Ndióxi̱ kúú ta̱ va̱ʼa. 19 Xa̱a̱ xíni̱vaún ña̱ káʼa̱n ley: ‘Va̱ása kaʼníún, va̱ása ki̱ʼviún ku̱a̱chi xíʼin iin na̱ ti̱ndaʼa̱, va̱ása ixakuíʼnáún, va̱ása ka̱ʼún tu̱ʼun vatá xa̱ʼa̱ inkana, va̱ása sandáʼviún, ixato̱ʼó yiváún xíʼin siʼúnʼ”. 20 Ta̱ ta̱a yóʼo ni̱ka̱ʼa̱nra xíʼinra: ‘Maestro, ndiʼi ña̱ʼa yóʼo nda̱a̱ tá loʼoví kúnda̱a̱-inii̱ xa̱ʼa̱ñaʼ. 21 Ta xi̱to va̱ʼa ta̱ Jesús nu̱úra, ta ni̱kuʼvi̱-inira xi̱nirara ta ni̱ka̱ʼa̱nra xíʼinra: ‘Íyo iin ña̱ kúma̱ní keʼún: Kúáʼan, ta xi̱kóún ndiʼi ña̱ʼa ña̱ kúúmiíún, ta taxiúnña ndaʼa̱ na̱ ndáʼvi, ta kuumiíún ña̱ ku̱i̱ká chí ndiví, ta kixiún kundiku̱n yi̱ʼi̱ʼ. 22 Soo ta̱yóʼo ni̱kusuchíní-inira xa̱ʼa̱ ña̱ ni̱ka̱ʼa̱nra xíʼinra, ta ku̱suchíní-inira ku̱a̱ʼa̱nra chi ku̱a̱ʼání kúú ña̱ʼa ña̱ kúúmiíra”.