Nota

e Apocalipsis 9:1-11: “Ta ta̱ ángel ta̱ u̱ʼu̱n ti̱vira trompetara. Tasaá, xi̱nii̱ nda̱kava iin ki̱mi chí ndiví nu̱ú ñuʼú, ta ta̱xina llave ña̱ ya̱vi̱ naá ndaʼa̱rí. 2 Tí ki̱mi yóʼo xu̱nárí ña̱ ya̱vi̱ naá, ta ini ña̱ ya̱vi̱ yóʼo ka̱na yi̱ʼma̱, ta ña̱yóʼo íyoña nda̱a̱ táki̱ʼva íyo yi̱ʼma̱ ña̱ kána ti̱xin horno. Ta ñu̱ʼu xíʼin ta̱chí ndu̱naáña xíʼin yi̱ʼma̱ ña̱ ke̱e ini ya̱vi̱. 3 Ta nu̱ú kána yi̱ʼma̱, ke̱e tí ti̱ka náʼnu chí nu̱ú ñuʼú, ta ta̱xina chiñu ndaʼa̱rí, nda̱a̱ táki̱ʼva íyo chiñu ña̱ kúúmií tí ti̱siʼma̱ tí íyo nu̱ú ñuʼú. 4 Xa̱ʼndana chiñu nu̱ú tí ti̱ka náʼnu, ña̱ ná va̱ása sandiʼi-xa̱ʼa̱rí yu̱ku̱ ña̱ íyo nu̱ú ñuʼú ni nda̱a̱ ndáaka planta tú kúii̱ á yitu̱n, chi na̱ xíniñúʼu saxóʼvi̱rí kúú na̱ yiví na̱ va̱ása kúúmií sello Ndióxi̱ chí te̱ʼéna. 5 Ta va̱ása nítaxina ña̱ kaʼní tí ti̱ka náʼnu na̱ yiví, chi xíniñúʼu saxóʼvi̱ kuitírína ki̱ʼva u̱ʼu̱n yo̱o̱. Ta ña̱ sa̱xóʼvi̱rína íyoña nda̱a̱ táki̱ʼva íyo ña̱ xóʼvi̱ iin na̱ yiví tá káni tí ti̱siʼma̱ miína. 6 Ta ña̱ ki̱vi̱ kán, na̱ yiví nandukúna ña̱ kuvina soo va̱ása ndani̱ʼínaña; kuni̱na kuvina, soo ña̱yóʼo kunuña nu̱úna. 7 Ki̱ʼva ña̱ náʼa̱ tí ti̱ka náʼnu yóʼo, íyoña nda̱a̱ táki̱ʼva íyo tí kuáyi̱ tí íyo tu̱ʼva ña̱ ku̱ʼu̱nrí nu̱ú ku̱a̱chi. Ta xi̱ní tí ti̱ka náʼnu, kánuu iin ña̱ náʼa̱ nda̱a̱ táki̱ʼva íyo iin corona ña̱ oro, ta nu̱úrí íyoña nda̱a̱ táki̱ʼva íyo nu̱ú na̱ yiví. 8 Ta yixí xi̱nírí íyoña nda̱a̱ táki̱ʼva íyo yixí xi̱ní iin ñaʼá, ta nu̱ʼurí íyoña nda̱a̱ táki̱ʼva íyo nu̱ʼu tí león; 9 ta kotó ña̱ ndíxirí íyoña nda̱a̱ táki̱ʼva íyo kotó ña̱ ka̱a. Ta ki̱ʼva ña̱ káʼa ndi̱xi̱nrí káʼaña nda̱a̱ táki̱ʼva káʼa carro tú íxi̱tá kuáyi̱, tí xínu ku̱a̱ʼa̱n nu̱ú ku̱a̱chi. 10 Saátu, kúúmiírí si̱ʼma̱ á ndoʼó ña̱ kúúmií iñú táʼan ña̱ kúúmií tí ti̱siʼma̱, ta chí ndoʼórí kúúmiírí ndee̱ ña̱ saxóʼvi̱rí na̱ yiví ki̱ʼva u̱ʼu̱n yo̱o̱. 11 Ta íyo iin rey ta̱ ndísochíñu xíʼin tíyóʼo: ta̱ ángel ña̱ ya̱vi̱ naá. Ta ki̱vi̱ra ña̱ hebreo kúúña Abadón, ta ña̱ tu̱ʼun griego kúúña Apolión”.