Nota

e Ezequiel 34:11-16: “Saáchi ña̱yóʼo kúú ña̱ káʼa̱n táta káʼnu Jehová: ‘Yóʼo íyoi̱, ta yi̱ʼi̱ nandukúi̱ ndikachi sa̱na̱i̱ ta kundai̱rí. ¹² Kundai̱ ndikachi sa̱na̱i̱ nda̱a̱ táki̱ʼva kéʼé ta̱ pastor tá nda̱ni̱ʼíra ndikachi sa̱na̱ra tí nda̱ñúʼu ta táxira ña̱ kaxírí. Ku̱ʼi̱n sakǎkui̱rí lugar nu̱ú nda̱ñúʼurí tá ni̱xi̱yoní vi̱kó. ¹³ Ndatavái̱rí ñuu xíʼin país nu̱ú xi̱ñuʼurí, ta ku̱ʼi̱n ndakai̱rí chí nu̱ú ñuʼú ña̱ xi̱ndoorí, ta taxii̱ ña̱ kaxírí chí yuku̱ ña̱ ñuu Israel, yatin nu̱ú íyo ti̱kui̱í ta saátu yatin nu̱ú íyo na̱ yiví. ¹⁴ Ta nina ku̱ʼu̱ ña̱ va̱ʼa taxii̱ kaxírí, ta chí yuku̱ súkún ña̱ ñuu Israel kúú nu̱ú koo ña̱ kaxírí. Ta kundoorí kán, nu̱ú íyo ku̱ʼu̱ ña̱ va̱ʼaní, ta kaxírí ku̱ʼu̱ ña̱ va̱ʼaní ña̱ íyo chí yuku̱ ña̱ ñuu Israelʼ. ¹⁵ ‘Ta yi̱ʼi̱ taxii̱ ña̱ kaxí ndikachi sa̱na̱i̱ ta yi̱ʼi̱ taxii̱ ña̱ ná kundoorí ndakindee̱rí, káchi táta káʼnu Jehová. ¹⁶ Ta tí nda̱ñúʼu ku̱ʼi̱n nandukúi̱, ta tí ni̱ta̱ni̱ ku̱ʼi̱n ndakiʼi̱nrí ta sukúndai̱ iin ti̱ko̱to̱ nu̱ú tu̱kue̱ʼe̱rí ta chika̱i̱ ndee̱ xíʼin tí ku̱vitá. Soo sandíʼi-xa̱ʼíi̱ tí nduʼú xíʼin tí ndakú. Ta ndatii̱n ku̱a̱chi xíʼin tíyóʼoʼ”.