Nota

d Lucas 15:17-24: “Tá nda̱kani vií xi̱níra, ni̱ka̱ʼa̱nra: ‘Ndiʼi na̱ káchíñu nu̱ú yivái̱ va̱ása kúma̱ní ña̱ kuxuna, ta yi̱ʼi̱ kúni̱i̱ kuxui̱ íyoi̱ yóʼo. ¹⁸ Ndandikói̱ veʼe yivái̱. Ta ka̱ʼi̱n xíʼinra: “Yivá ni̱ki̱ʼvii̱ ku̱a̱chi nu̱ú Ndióxi̱ xíʼin nu̱ú miíún. ¹⁹ Va̱ása xíniñúʼuka ka̱ʼún xíʼi̱n ña̱ kúi̱ se̱ʼún. Nda̱a̱ táki̱ʼva kéʼún xíʼin na̱ káchíñu nu̱ún saá keʼún xíʼi̱n”ʼ ²⁰ Tasaá nda̱kiʼinra ku̱a̱ʼa̱nra ta ndi̱kóra veʼe yivára. Tá xíkaka va̱xira, yivára xi̱nira ña̱ va̱xira ta ku̱ndáʼviní-inira xi̱nirara. Ta xínura ni̱xa̱a̱ra ta nu̱mira ta̱yóʼo ta chi̱túra nu̱úra. ²¹ Tasaá ni̱ka̱ʼa̱nra xíʼin yivára: ‘Yivá, ni̱ki̱ʼvii̱ ku̱a̱chi nu̱ú Ndióxi̱ xíʼin nu̱ú miíún. Ta va̱ása xíniñúʼuka ka̱ʼún xíʼi̱n ña̱ kúi̱ se̱ʼún. Nda̱a̱ táki̱ʼva kéʼún xíʼin na̱ káchíñu nu̱ún saá keʼún xíʼi̱nʼ. ²² Soo yivára ni̱ka̱ʼa̱nra xíʼin na̱ káchíñu nu̱úra: ‘Kamandó, tavándó iin ti̱ko̱to̱ ña̱ káni̱, míí ña̱ va̱ʼaka ná kundixira, ta chika̱a̱ndó iin seʼe̱ ndaʼa̱ra ta taánndó ndu̱xa̱n xa̱ʼa̱ra. ²³ Taxindó iin si̱ndi̱ki̱ loʼo tí nduʼú va̱ʼa, ta kaʼníndórí, ta ná kuxuyó ta kusi̱í-iniyó, ²⁴ saáchi se̱ʼi̱ yóʼo nda̱a̱ táki̱ʼva íyo ta̱ ni̱xi̱ʼi̱ saá ni̱xi̱yora ta nda̱takura, ta nda̱ñúʼura ta nde̱tara vitinʼ. Ta ki̱xáʼana kúsi̱í-inina”.