Nota

g Marcos 14:3-9: “Tá íyo ta̱ Jesús chí ñuu Betania xíxira veʼe ta̱ Simón ta̱ xi̱kuumií lepra, ku̱yatin iin ñá ñaʼá xíʼin ki̱si loʼo ña̱ yu̱u̱ ta chútuña xíʼin aceite tá xáʼa̱n támi tá yaʼviní, tá na̱kuva̱ʼa xíʼin nina nardo. Tándi̱ʼi ta̱ʼvíñá su̱kúnña ta ki̱xáʼañá sákaañárá xi̱ní ta̱ Jesús. ⁴ Tá xi̱ni na̱ discípulo ña̱yóʼo savana ni̱sa̱a̱na ta ni̱ka̱ʼa̱n xíʼin táʼanna: ‘¿Nda̱chun sa̱ndíʼi-xa̱ʼa̱ñá aceite tá xáʼa̱n támi yóʼo? ⁵ ¿Nda̱chun kǒo níxi̱kóyórá yáʼaka 300 denario... ta xu̱ʼún yóʼo taxiyóña ndaʼa̱ na̱ ndáʼvi?ʼ. Tasaá ni̱sa̱a̱nína xíʼinñá. ⁶ Ta̱ Jesús ni̱ka̱ʼa̱nra xíʼinna: ‘Táxi̱n koondó xíʼinñá, ¿nda̱chun kéʼéndó saá xíʼinñá? Iin ña̱ va̱ʼaníva kúú ña̱ ke̱ʼéñá xíʼi̱n. ⁷ Saáchi na̱ ndáʼvi ndiʼiva tiempo íyona xíʼinndó ta kivi chindeétáʼanndó xíʼinna ama kúni̱ miívandó, soo yi̱ʼi̱ su̱ví ndiʼiví tiempo koi̱ xíʼinndó. ⁸ Ke̱ʼéñá xíʼi̱n ña̱ kivi keʼévañá, saáchi tá sa̱káañá aceite tá xáʼa̱n támi yi̱ʼi̱, saá kúú ña̱ i̱xaviíñá xíʼi̱n tá xa̱a̱ ná kuvii̱ ta sandúxu̱nna yi̱ʼi̱. ⁹ Mií ña̱ nda̱a̱ káʼi̱n xíʼinndó, iníísaá ñuyǐví, nda̱a̱ ndáaka nu̱ú ná natúʼunna xa̱ʼa̱ tu̱ʼun va̱ʼa ña̱ káʼa̱n xa̱ʼa̱ Ndióxi̱, ka̱ʼa̱nna xa̱ʼa̱ ña̱ ke̱ʼé ñáyóʼo tasaá kúú ña̱ ndakaʼánna xa̱ʼa̱ñáʼ”.