Nota

b Ezequiel 2:3-6: “Ta ni̱ka̱ʼa̱nra xíʼi̱n: ‘Se̱ʼe ta̱a, chíndaʼíi̱ yóʼó ña̱ ku̱ʼu̱n nu̱ú na̱ ñuu Israel, na̱ ñuu yóʼo so̱ʼonína ta va̱ása xíniso̱ʼona ña̱ káʼi̱n. Na̱yóʼo xíʼin na̱ táʼanna na̱ ni̱xi̱yo tá ya̱chi̱ xi̱yaʼandosóna ley ña̱ ta̱xii̱ ndaʼa̱na, ta saátu nda̱a̱ tiempo vitin yáʼandosónaña. ⁴ Chíndaʼíi̱ yóʼó ña̱ ku̱ʼu̱n nu̱ú na̱ so̱ʼoní. Ta ña̱yóʼo ka̱ʼún xíʼinna: ‘Ña̱yóʼo kúú ña̱ káʼa̱n táta káʼnu Jehová’. ⁵ Ni ná kuniso̱ʼona á va̱ása kuniso̱ʼona, soo xíniñúʼu kunda̱a̱-inina ña̱ ni̱xi̱yo iin profeta ta̱ ni̱ka̱ʼa̱n xíʼinna. Chi na̱yóʼo iin ñuu na̱ so̱ʼoní kúúna. ⁶ ’Soo yóʼó se̱ʼe ta̱a, va̱ása yi̱ʼvíún kuniúnna ta saátu va̱ása yi̱ʼvíún tu̱ʼun ña̱ káʼa̱nna, ni ndíka̱ún tañu na̱ íyo nda̱a̱ táki̱ʼva íyo iñú á na̱ íyo nda̱a̱ táki̱ʼva íyo ti̱siʼma̱. Va̱ása yi̱ʼvíún tu̱ʼun ña̱ káʼa̱nna, ta va̱ása yi̱ʼvíún kuniúnna, saáchi iin ñuu na̱ so̱ʼoní kúúna”.