Josué
21 Tlakamej tlen okinyekanayaj itribu Leví okitatoj teopixki Eleazar, Josué ikone Nun uan tlakamej akinmej okinyekanayaj sejse intribu israelitas 2 uan ompa Siló tlen kajki Canaán okinmiluijkej: “Jehová okinauati Moisés matechmakakan altepemej kanin tichantiskej uan tlasakayo* kanin yetoskej toyolkauan”. 3 Altepemej uan noijki kanin sakayo* tlen okatka inmiaxka israelitas okinmakakej levitas, ijkon ken Jehová otlanauatijka.
4 Achto okinmakakej infamilias cohatitas tlali ijkon ken okistiaya. Levitas tlen okatkaj ixuiuan teopixki Aarón okinmakakej 13 altepemej ijkon ken okistiaj tlen okatkaj iaxkauan itribu Judá, itribu Simeón uan itribu Benjamín.
5 Oksekimej cohatitas okiselijkej majtlaktli altepemej tlen okatka inmiaxka familias tlen pouij itech itribu Efraín, itribu Dan uan tlajko itribu Manasés.
6 Guersonitas okiselijkej 13 altepemej ompa Basán tlen okatka inmiaxka familias tlen pouij itech itribu Isacar, itribu Aser, itribu Neftalí uan tlajko itribu Manasés.
7 Infamilias meraritas okiselijkej 12 altepemej tlen okatka inmiaxka itribu Rubén, itribu Gad uan itribu Zabulón.
8 Ijkon ken Jehová okinnauatijka ika Moisés, israelitas okinmakakej levitas ninmej altepemej uan kanin sakayo ijkon ken okistiaya.
9 Itribu Judá uan itribu Simeón okintemakakej altepemej. 10 Ijkuak achto okinxexelojkej altepemej ijkon ken okistiaya, okinmakakej ikoneuan Aarón. Yejuan okatkaj cohatitas tlen pouij itech ifamilia levitas. 11 Okiselijkej altepetl Quiryat-Arbá noso Hebrón (Arbá okatka ipapa Anac), tlen kajki itech itepeyo Judá uan kanin sakayo. 12 Pero tlalmej uan altepetsitsintin tlen katej itech non altepetl okinmakakej Caleb ikone Jefuné.
13 Ikoneuan teopixki Aarón okinmakakej altepetl kanin omopaleuiayaj akinmej otemiktiayaj, yejuan okinmakakej altepetl Hebrón uan kanin sakayo. Noijki okinmakakej Libná uan kanin sakayo, 14 Jatir uan kanin sakayo, Estemoa uan kanin sakayo, 15 Holón uan kanin sakayo, Debir uan kanin sakayo, 16 Ain uan kanin sakayo, Jutá uan kanin sakayo, Bet-Semes uan kanin sakayo. Chiknaui altepemej tlen pouij itech ome tribus.
17 Itribu Benjamín okitemakak Gabaón uan kanin sakayo, Gueba uan kanin sakayo, 18 Anatot uan kanin sakayo, Almón uan kanin sakayo. Okatkaj naui altepemej.
19 Nochi altepemej tlen okiselijkej teopixkej tlen okatkaj ixuiuan Aarón, okatkaj 13 altepemej uan kanin sakayo.
20 Oksekimej infamilias cohatitas tlen pouij itech levitas okiselijkej ijkon ken okistiaya altepemej tlen inmiaxka itribu Efraín. 21 Okiselijkej altepetl kanin omopaleuiayaj akinmej otemiktiayaj, yejuan okinmakakej altepetl Siquem uan kanin sakayo itech itepeyo Efraín. Noijki okinmakakej Guézer uan kanin sakayo, 22 Quibzaim uan kanin sakayo, Bet-Horón uan kanin sakayo. Okatkaj naui altepemej.
23 Itribu Dan okitemakak Eltequé uan kanin sakayo, Guibetón uan kanin sakayo, 24 Ayalón uan kanin sakayo, Gat-Rimón uan kanin sakayo. Okatkaj naui altepemej.
25 Tlajko itribu Manasés okitemakak Taanac uan kanin sakayo, Gat-Rimón uan kanin sakayo. Okatkaj ome altepemej.
26 Oksekimej infamilias cohatitas okiselijkej majtlaktli altepemej uan kanin sakayo.
27 Tlajko itribu Manasés okinmakak guersonitas tlen pouij itech infamilia levitas, altepetl kanin mopaleuiskiaj akinmej otemiktiayaj, yejuan okinmakakej altepetl Golán tlen kajki Basán uan kanin sakayo. Noijki okinmakakej Beesterá uan kanin sakayo. Okatkaj ome altepemej.
28 Itribu Isacar okitemakak Quisión uan kanin sakayo, Daberat uan kanin sakayo, 29 Jarmut uan kanin sakayo, En-Ganim uan kanin sakayo. Okatkaj naui altepemej.
30 Itribu Aser okitemakak Misal uan kanin sakayo, Abdón uan kanin sakayo, 31 Helcat uan kanin sakayo, Rehob uan kanin sakayo. Okatkaj naui altepemej.
32 Itribu Neftalí okitemakak altepetl kanin omopaleuiayaj akinmej otemiktiayaj, okitemakak altepetl Quedes uan kanin sakayo tlen kajki Galilea. Noijki okintemakak, Hamot-Dor uan kanin sakayo, Cartán uan kanin sakayo. Okatkaj eyi altepemej.
33 Infamilias guersonitas okiselijkej 13 altepemej uan kanin sakayo.
34 Infamilias meraritas uan oksekimej infamilias levitas okiselijkej tlen iaxka itribu Zabulón. Jocneam uan kanin sakayo, Cartá uan kanin sakayo, 35 Dimná uan kanin sakayo, Nahalal uan kanin sakayo. Okatkaj naui altepemej.
36 Itribu Rubén okitemakak Bézer uan kanin sakayo, Jáhaz uan kanin sakayo, 37 Quedemot uan kanin sakayo, Mefaat uan kanin sakayo. Okatkaj naui altepemej.
38 Itribu Gad okitemakak altepetl kanin omopaleuiayaj akinmej otemiktiayaj, okitemakak altepetl Ramot uan kanin sakayo tlen kajki Galaad. Noijki okitemakak Mahanaim uan kanin sakayo, 39 Hesbón uan kanin sakayo, Jazer uan kanin sakayo. Okatkaj naui altepemej.
40 Okatkaj 12 altepemej tlen okinmakakej infamilias meraritas tlen pouij itech infamilias levitas.
41 Nochi altepemej tlen levitas okiselijkej ik kanin kajki intlal israelitas, okatkaj 48 altepemej uan kanin sakayo. 42 Sejse altepemej okipiayaj sakayo uan nochi nonmej altepemej ijkon okatkaj.
43 Israelitas okimoaxkatijkej uan omochantijkej itech nochi non tlali, ijkon ken Jehová okinmiluijka kinmakaskia inuejkatatajuan. 44 Jehová okichi mamoyolseuijtokan itech nochi non tlali, ijkon ken okinmiluijka inuejkatatajuan. Akinmej okinkokoliayaj amitlaj okintoktijkej* porque Jehová okinmaktili. 45 Omochi nochi tlamantli kuali tlen Jehová okinmiluijka israelitas, nochi tlen okijto opanok.