5 Loba nguphi umphristi omkhulu othethwe ebantwini ubekwa ukuthi ancede abantu ezintweni eziphathelane loNkulunkulu+ ukuze anikele izipho lemihlatshelo yezono.+ 2 Uyenelisa ukubaphatha ngozwelo* abangelalwazi labonayo* ngoba laye ulobuthakathaka bakhe. 3 Ngenxa yalokho, laye kumele enze iminikelo yezono zakhe njengoba nje enikela eyezono zabantu.+

27 Yena utshiyene labanye abaphristi abakhulu ngoba akudingakali ukuthi anikele imihlatshelo nsuku zonke,+ eqalisa ngowezono zakhe besekulandela owezono zabantu,+ ngenxa yokuthi lokho wakwenza kwaba kanye kuphela lapho enikela ngempilo yakhe.+