14 “‘Kanti njalo nxa kulomuntu wesinye isizwe ohlala lani, laye kumele alungise umhlatshelo wePhasika owenzelwa uJehova.+ Kumele awulungise elandela imilayo ephathelane lePhasika kanye leziqondiso ezimayelana lalo.+ Kufanele kube lomthetho owodwa kini kungelani lokuthi ngumuntu wesinye isizwe kumbe ngoyisizalwane elizweni.’”+

16 Kodwa uRuthe wathi: “Ungangincengi ukuthi ngikutshiye lokuthi ngingahambi lawe ngoba lapho oya khona lami ngizakuya khona, futhi lapho olala khona lami ngizalala khona. Abantu bakini bazakuba ngabantu bakithi loNkulunkulu wakho uzakuba nguNkulunkulu wami.+

15 Ngemva kwalokho wabuyela emuntwini kaNkulunkulu weqiniso+ lazo zonke izinceku zakhe ayehamba lazo. Wafika wama phambi kwakhe wathi: “Khathesi sengikwazi ukuthi akulaNkulunkulu kwenye indawo emhlabeni ngaphandle kwako-Israyeli.+ Yikho ngicela uthathe isipho lesi inceku yakho ekupha sona.”

32 “Lomuntu wesinye isizwe ongayisuye wako-Israyeli osuka elizweni elikhatshana ngoba ezwe ngebizo lakho elikhulu,*+ langesandla sakho esilamandla langengalo yakho eyeluliweyo, obuya lapha azothandaza ekhangele endlini le,+ 33 kwangathi ungamlalela usezulwini lapho ohlala khona, wenze konke lowomuntu wesinye isizwe acela ukuthi umenzele khona ukuze bonke abantu abasemhlabeni balazi ibizo lakho+ njalo bakwesabe njengabantu bakho bako-Israyeli, bakwazi ukuthi indlu le engiyakhileyo yenza ukuthi ibizo lakho lidunyiswe.

Iminikelo yabo yokutshiswa egcweleyo lemihlatshelo yabo izakwamukelwa e-alithareni lami.

Ngoba indlu yami izabizwa ngokuthi yindlu yokuthandazela yabantu bezizwe zonke.”+

27 Yikho wasuka wahamba. Wathi esithi mehlo suka wabona indoda engumTopiya,* eyayiyisiphathamandla esasingaphansi kukaKhendisi indlovukazi yamaTopiya futhi eyayiphethe yonke inotho yendlovukazi. Indoda le yayihambe yayakhonza eJerusalema+