7 Abafundi bakaJohane bathe sebesukile, uJesu waqalisa ukukhuluma labantu ngoJohane esithi: “Lasuka lisiyabonani enkangala?+ Umhlanga ophetshulwa ngumoya?+ 8 Pho lalisiyabonani? Indoda egqoke izembatho ezibutshelezi?* Phela abagqoka izembatho ezibutshelezi basezindlini zamakhosi. 9 Manje lalisiyabonani? Umphrofethi yini? Ye, ungumphrofethi sibili futhi uqakatheke kulabo bonke abaphrofethi.+ 10 Nguye okubhalwe ngaye ukuthi: ‘Ngithuma isithunywa sami phambi kwakho, sizalungisa indlela yakho wena ungakafiki!’+ 11 Ngiqinisile ngithi kini, kwabazelwe ngabesifazana akukabi loyedwa omkhulu kuloJohane uMbhabhathizi, kodwa omncane eMbusweni wamazulu mkhulu kulaye.+