IHubo

103 Ngizamdumisa uJehova,

Ngizalidumisa ngenhliziyo yonke ibizo lakhe elingcwele.

 2 Ngizamdumisa uJehova,

Angisoze ngikukhohlwe konke akwenzileyo.+

 3 Uyazithethelela zonke izono zakho,+

Aqede bonke ubuhlungu obuzwayo.+

 4 Uyakuhlenga ukuze ungehleli engcwabeni,+

Akutshengise uthando oluqotho lesihawu kube angathi ukugqokise umqhele.+

 5 Ukunika izinto ezinengi ezinhle+ okwempilo yakho yonke,

Ukuze ubutsha bakho buvuselelwe njengobokhozi.+

 6 UJehova ubaphatha ngendlela elungileyo+ futhi ubahlulela kuhle

Bonke abacindezelwayo.+

 7 Wenza uMosi wazazi izindlela zakhe,+

Wenza lezenzo zakhe zaziwa ngabako-Israyeli.+

 8 UJehova ulozwelo* lesihawu,+

Uyaphuza ukuthukuthela njalo ugcwele uthando oluqotho.+

 9 Kahlali edinga amacala,+

Njalo kasoze ahlale ezondile kuze kube phakade.+

10 Kasiphathi ngendlela efanele izono zethu,+

Kasijezisi ngendlela ehambelana leziphambeko zethu.+

11 Njengoba nje amazulu ephakeme kulomhlaba,

Lukhulu kangako uthando lwakhe oluqotho kulabo abamesabayo.+

12 Uthethe izono zethu wazibeka khatshana lathi,+

Njengokuqhelelana kwempumalanga lentshonalanga.

13 Njengoba nje ubaba elesihawu emadodaneni akhe,

UJehova ulesihawu kulabo abamesabayo,+

14 Ngoba uyakwazi ukuthi sibunjwe njani,+

Uyakhumbula ukuthi siluthuli.+

Uyaqhakaza njengeluba leganga,+

16 Elithi nxa umoya ungavunguza life,

Kusale angathi alizange libe khona.

17 Kodwa uJehova ulothando oluqotho kuze kube nini lanini*

Kulabo abamesabayo,+

Utshengisa ukuthi ulungile ezizukulwaneni zabo ezizayo.+

18 Ulungile kulabo abagcina isivumelwano sakhe,+

Lakulabo abagcina imilayo yakhe ngonanzelelo.

19 UJehova usimise saqina isihlalo sakhe sobukhosi emazulwini,+

Ubusa phezu kwakho konke.+

20 Dumisani uJehova lonke lina zingilosi zakhe+ ezilamandla amakhulu,

Elenza lokho akutshoyo,+ lilalela ilizwi lakhe.

21 Dumisani uJehova lonke lina mabutho akhe,+

Lina zinceku zakhe ezenza intando yakhe.+

22 Konke okudaliweyo akudumise uJehova,

Kuzo zonke izindawo abusa kuzo.