INGXENYE 1

Simlalela Ngayiphi Indlela UNkulunkulu?

UNkulunkulu ukhuluma lathi esebenzisa iBhayibhili. 2 KuThimothi 3:16

UJehova uphefumulela abantu ukuthi babhale iBhayibhili esesihlalweni sakhe sobukhosi ezulwini

UNkulunkulu weqiniso watshela abantu ukuba babhale phansi imicabango yakhe ebhukwini elingcwele. Ibhuku leli liBhayibhili. Lilomlayezo oqakathekileyo uNkulunkulu afuna ube wazi.

UNkulunkulu uyakwazi okungasisiza empilweni, njalo ungumthombo wokuhlakanipha konke. Ngokumlalela uzaba lokuhlakanipha okukhulu.—Izaga 1:5.

IBhayibhili ngezindimi ezitshiyeneyo; indoda ibala iBhayibhili ngolimi lwayo

UNkulunkulu ufuna wonke umuntu emhlabeni alifunde iBhayibhili. Khathesi selithokala ngendimi ezinengi.

Nxa ufuna ukulalela uNkulunkulu kumele ulifunde iBhayibhili njalo ulizwisise.

Abantu kuyo yonke indawo bayalalela. UMathewu 28:19

UFakazi kaJehova ubalela indoda ethile ivesi, abesefunda layo iBhayibhili

OFakazi bakaJehova bangakuncedisa ukuthi ulizwisise iBhayibhili.

Emhlabeni wonke, bafundisa iqiniso ngoNkulunkulu.

Umhlangano eWolu yoMbuso yaboFakazi bakaJehova

Akudingeki ukuthi ubhadalele imfundo leyi. Ungafunda njalo ngoNkulunkulu eHholo loMbuso laboFakazi bakaJehova eliseduze lawe.