ISIFUNDO 33
Kuyini Okuzakwenziwa NguMbuso KaNkulunkulu?
UMbuso kaNkulunkulu uyabusa futhi sekuseduze ukuthi utshintshe izinto emhlabeni. Ake sixoxe ngokunye okuhle okuzakwenziwa nguMbuso kaNkulunkulu.
1. Kuyini okuzakwenza kube lokuthula lokulunga emhlabeni?
UJesu oyiNkosi yoMbuso kaNkulunkulu uzabhubhisa abantu ababi kanye labohulumende babantu empini ye-Amagedoni. (ISambulo 16:14, 16) Ngalesosikhathi kuzagcwaliseka isithembiso esiseBhayibhilini esithi: “Sekusele isikhathi esincane nje ukuthi ababi babe bengasekho.” (IHubo 37:10) UJesu uzasebenzisa uMbuso kaNkulunkulu ukuze alethe ukuthula lokulunga emhlabeni wonke.—Bala u-Isaya 11:4.
2. Izabe isinjani impilo nxa intando kaNkulunkulu isisenziwa emhlabeni?
Nxa uMbuso kaNkulunkulu usubusa, “abalungileyo bazakudla ilifa lomhlaba, bahlale kuwo kuze kube nini lanini.” (IHubo 37:29) Ubona angani impilo izabe isinjani emhlabeni nxa sokulabantu abalungileyo bodwa, abathandanayo futhi abathanda uJehova? Kuyabe kungaselamuntu ogulayo njalo bonke abantu bazaphila kuze kube nini lanini. Akuthandabuzwa ukuthi izabe imnandi impilo enjalo!
3. UMbuso kaNkulunkulu uzakwenzani ngemva kokubhubhisa abantu ababi?
Ngemva kokubhubhisa abantu ababi, uJesu uzabusa okweminyaka engu-1 000. Ngalesosikhathi yena labangu-144 000 azabusa labo bazasusa isono ebantwini. Kanti njalo umhlaba wonke uzatshintshwa ube lipharadayisi elilabantu abathokozayo futhi abalalela imithetho kaJehova. Nxa iminyaka engu-1 000 isiphelile, uJesu uzabisela uMbuso kuYise uJehova. Ibizo likaJehova lizabe ‘selingcweliswe’ ngendlela elingakaze lingcweliswe ngayo. (UMathewu 6:9, 10) Kuyabe sekusegcekeni ukuthi uJehova ubusa kuhle kakhulu lokuthi ulendaba labantu. Ngemva kwalokho uJehova uzabhubhisa uSathane lamadimoni akhe kanye lalabo abazavukela ubukhosi bakhe. (ISambulo 20:7-10) Lonke utshintsho oluzalethwa nguMbuso kaNkulunkulu luzahlala kuze kube nini lanini.
GEBHA UJULE
Engxenyeni le uzabona ukuthi kuyini okwenza singathandabuzi ukuthi uNkulunkulu uzasebenzisa uMbuso wakhe ukuze agcwalise zonke izithembiso eziseBhayibhilini ezimayelana lekusasa.
4. UMbuso kaNkulunkulu uzatshabalalisa yonke imibuso yabantu
“Nxa umuntu ebuswa ngomunye umuntu uyalimala.” (UmTshumayeli 8:9) UJehova uzasebenzisa uMbuso wakhe ukuthi alungise wonke umonakalo obangelwe yimibuso yabantu.
Bala uDanyeli 2:44 lo-2 Thesalonika 1:6-8 beselixoxa ngemibuzo le:
UJehova leNdodana yakhe uJesu bazakwenzani ngemibuso yabantu kanye lalabo abayisekelayo?
Kuyini okwenza ungathandabuzi ukuthi uJehova loJesu bazakwahlulela ngendlela eqondileyo?
5. UJesu ukufanele ukuba yiNkosi
UJesu ukufanele ukuba yiNkosi yoMbuso kaNkulunkulu njalo uzanceda abantu ngendlela ezitshiyeneyo. Bukelani IVIDIYO ukuze ubone ukuthi uJesu utshengise njani ukuthi uyafuna ukunceda abantu lokuthi uNkulunkulu umnike amandla okwenza njalo.
Ngesikhathi esemhlabeni, uJesu wenza izimangaliso ezaziyinzwisa yalokho uMbuso ozakwenzela abantu. Wena yikuphi okulindele ngabomvu? Emavesini alandelayo bala lawo olindele ukuwabona egcwaliseka.
ESEMHLABENI UJESU . . . |
ESEZULWINI UJESU . . . |
|---|---|
|
|
|
|
|
|
|
|
6. UMbuso kaNkulunkulu uzakwenza abantu bathokoze kuze kube nini lanini
UMbuso uzakwenza ukuthi lokho uJehova ayekuhlosile ngabantu kugcwaliseke. Bazaphila emhlabeni olipharadayisi kuze kube nini lanini. Bukelani IVIDIYO ukuze ubone okwenziwa nguJesu ukuze agcwalise injongo kaJehova.
Bala iHubo 145:16 beselixoxa ngombuzo lo:
Uzwa njani ngokuthi uJehova ‘uzasuthisa izifiso zakho konke okuphilayo’?
ABANYE BATHI: “Nxa singamanyana sizaqeda zonke inhlupho ezisemhlabeni.”
Yiziphi inhlupho ezizaqedwa nguMbuso kaNkulunkulu ezehlule ohulumende babantu?
ISIFINQO
UMbuso kaNkulunkulu uzakwenza ukuthi injongo yakhe igcwaliseke. Uzatshintsha umhlaba ube lipharadayisi elilabantu abalungileyo futhi abazakhonza uJehova kuze kube nini lanini.
Ufundeni?
UMbuso kaNkulunkulu uzalingcwelisa njani ibizo likaJehova?
Kuyini okwenza singathandabuzi ukuthi uMbuso kaNkulunkulu uzagcwalisa zonke izithembiso eziseBhayibhilini?
Kuzo zonke izinto ezizakwenziwa nguMbuso kaNkulunkulu, kuyini okulindele ngabomvu?
THOLA OKUNENGI
Bala isihloko lesi uzwe ukuthi kuyini i-Amagedoni.
Bala uzwe ukuthi kuzakwenzakalani ngesikhathi ‘sokuhlupheka okukhulu’ uJesu akhuluma ngakho kuMathewu 24:21.
“Kuyini Ukuhlupheka Okukhulu?” (Isihloko esikuwebhusayithi yethu)
Bukela ividiyo le ubone ukuthi izimuli zingenzani ukuze zicabangisise ngalokho esizakwenzelwa nguMbuso kaNkulunkulu.
Bala isihloko esithi “Ngangilemibuzo Eminengi” uzwe okwanceda eyinye indoda eyayithanda ezombusazwe lodlakela.
“IBhayibhili Liyamntshintsha Umuntu” (INqabayokulinda, January 1, 2012)