ISIFUNDO 32

UMbuso KaNkulunkulu Uyabusa!

Elifanana Leliprintiweyo

UMbuso kaNkulunkulu waqalisa ukubusa ezulwini ngo-1914 futhi ngalowo mnyaka kwaqalisa insuku zokucina. Sikwazi njani lokhu? Ake siqathanise iziphrofetho eziseBhayibhilini lendlela abantu abenza ngayo kanye lalokho obekusenzakala kusukela ngo-1914.

1. Iziphrofetho eziseBhayibhilini zitshengisani?

Ibhuku likaDanyeli lilesiphrofetho esitshengisa ukuthi uMbuso kaNkulunkulu wawuzaqalisa ukubusa ngemva kwesikhathi esibizwa ngokuthi ‘yizikhathi eziyisikhombisa.’ (UDanyeli 4:16, 17) UJesu laye wakhuluma ngesikhathi esifananayo wathi ‘yizikhathi ezibekiweyo zabezizwe’ lokuthi zazingakapheli ngalesosikhathi. (ULukha 21:24) Esifundweni lesi uzabona ukuthi izikhathi eziyisikhombisa zaphela ngo-1914.

2. Bekusenzakalani kusukela ngo-1914?

Abafundi bakaJesu bambuza bathi: “Sizakuba yini isibonakaliso sokuba khona kwakho lesesiphetho somumo lo wezinto?” (UMathewu 24:3) UJesu wabatshela izinto ezinengi ezazizatshengisa ukuthi useyiNkosi yoMbuso kaNkulunkulu. Wathi kwakuzakuba lezimpi, ukuswelakala kokudla, ukuzamazama komhlaba lokunye okunengi. (Bala uMathewu 24:7.) IBhayibhili liphinda lithi indlela abantu abenza ngayo yayizakwenza ‘insuku zokucina’ zibe nzima “ukuphila kuzo.” (2 KuThimothi 3:1-5) Izinto zonke lezi zaqalisa ukwenzakala kakhulu kusukela ngo-1914.

3. Kuyini okwenze izinto zaba nzima emhlabeni selokhu kwabekwa uMbuso kaNkulunkulu?

Kwaba lempi ezulwini ngesikhathi uJesu esanda kuba yiNkosi yoMbuso kaNkulunkulu. Impi le yayiphakathi kukaJesu loSathane lamadimoni akhe futhi uSathane wanqotshwa. IBhayibhili lithi: “Waphoselwa phansi emhlabeni, lezingilosi zakhe zaphoselwa phansi kanye laye.” (ISambulo 12:9, 10, 12) USathane uzonde uyafa ngoba uyakwazi ukuthi uzabhujiswa. Lokhu kwenza sizwisise ukuthi yindaba ebangela ukuhlupheka futhi esenza izinto zibe nzima emhlabeni. Kodwa kuyaduduza ukwazi ukuthi uMbuso kaNkulunkulu uzakuqeda du konke ukuhlupheka.

GEBHA UJULE

Engxenyeni le uzabona ukuthi sikwazi njani ukuthi uMbuso kaNkulunkulu waqalisa ukubusa ngo-1914 lokuthi kumele sitshele abanye ngawo.

4. Iziphrofetho eziseBhayibhilini zitshengisa ukuthi uMbuso kaNkulunkulu waqalisa ukubusa ngo-1914

Bukelani IVIDIYO.

IVIDIYO: UMbuso KaNkulunkulu Waqalisa Ukubusa Ngo-1914 (5:02)

UNkulunkulu wenza ukuthi uNebhukhadinezari inkosi yaseBhabhiloni ibe lephupho eliyisiphrofetho. Iphupho lelo kanye lengcazelo kaDanyeli kutshengisa ukuthi isiphrofetho leso sasizagcwaliseka embusweni kaNebhukhadinezari laseMbusweni kaNkulunkulu.—Bala uDanyeli 4:17.a

Bala uDanyeli 4:20-26 beselisebenzisa itshathi ukuze lixoxe ngemibuzo elandelayo:

(A) UNebhukhadinezari wabonani ephutsheni lakhe?—Khangela ivesi 20 lo-21.
(B) Isihlahla asibonayo sasizakwenziwani?—Khangela ivesi 23.
(C) Kwakuzakwenzakalani ekupheleni ‘kwezikhathi eziyisikhombisa’?—Khangela ivesi 26.

Iphupho Elimayelana Lesihlahla Lingenelana Njani LoMbuso KaNkulunkulu?

ISIPHROFETHO (UDanyeli 4:20-36)

Ukubusa

(A) Isihlahla esikhulu

Ubukhosi buyaphela

(B) ‘Gamulani isihlahla siwele phansi’ “kuze kudlule izikhathi eziyisikhombisa”

Isidindi sesihlahla esibotshwe ngensimbi langethusi.

Ubukhosi buyabiselwa

(C) “Umbuso wakho uzaphinda ube ngowakho”

Ekugcwalisekeni kokuqala kwesiphrofetho lesi . . .

(D) Isihlahla sasimela bani?—Khangela ivesi 22.
(E) Wama nini ukubusa?—Bala uDanyeli 4:29-33.
(F) Kwenzakalani kuNebhukhadinezari ngemva ‘kweminyaka eyisikhombisa’?—Bala uDanyeli 4:34-36.

UKUGCWALISEKA KOKUQALA

Ukubusa

(D) UNebhukhadinezari Inkosi yeBhabhiloni

INkosi uNebhukhadinezari igoqe izandla okomuntu ozigqajayo.

Ubukhosi buyaphela

(E) Ngemva kuka-606 B.C.E., uNebhukhadinezari waqalisa ukuhlanya yikho wama ukubusa okweminyaka eyisikhombisa

UNebhukhadinezari esidla utshani njengenyamazana.

Ubukhosi buyabiselwa

(F) Ingqondo kaNebhukhadinezari yaphenduka waseqalisa futhi ukubusa

INkosi uNebhukhadinezari iphakamise izandla idumisa uNkulunkulu.

Ekugcwalisekeni kwesibili kwesiphrofetho lesi . . .

(G) Isihlahla sasimela obani?—Bala u-1 ImiLando 29:23.
(H) Bama nini ukubusa? Sikwazi njani ukuthi babelokhu bengabusi ngesikhathi uJesu esemhlabeni?—Bala uLukha 21:24.
(I) Ukubusa lokhu kwaphinda kwaqalisa nini futhi ngaphi?

UKUGCWALISEKA KWESIBILI

Ukubusa

(G) Amakhosi ako-Israyeli ayemela ukubusa kukaNkulunkulu

Amakhosi ako-Israyeli ngokulandelana kwawo. Inkazimulo evela ezulwini iphezu kwawo.

Ubukhosi buyaphela

(H) Ukubhujiswa kweJerusalema kumisa ukubusa kwamakhosi ako-Israyeli okweminyaka engu-2 520

Umlilo otshabalalisa iJerusalema ngo-607 B.C.E. Kudlula iminyaka engu-2 520.

Ubukhosi buyabiselwa

(I) UJesu uqalisa ukubusa ezulwini eseyiNkosi yoMbuso kaNkulunkulu

UJesu uqalisa ukubusa ngo-1914 C.E. Kulenkazimulo esihlalweni sakhe sobukhosi.

Zinde okunganani izikhathi eziyisikhombisa?

Ukuhlola amavesi atshiyeneyo aseBhayibhilini kuyasinceda ukuthi sizwisise amanye. Ngokwesibonelo, ibhuku leSambulo lithi izikhathi ezintathu lengxenye zilingana lamalanga angu-1260. (ISambulo 12:6, 14) Nxa singaphinda kabili izikhathi ezintathu lengxenye sithola izikhathi eziyisikhombisa, zona eziba ngamalanga angu-2 520. Kwamanye amavesi usuku olulodwa lumela umnyaka owodwa. (UHezekheli 4:6) Yikho izikhathi eziyisikhombisa okukhulunywa ngazo ebhukwini likaDanyeli zimela iminyaka engu-2520.

5. Izinto zitshintshe kakhulu emhlabeni kusukela ngo-1914

Bukelani IVIDIYO.

IVIDIYO: Izinto Zitshintshe Kakhulu Emhlabeni Kusukela Ngo-1914 (1:10)

UJesu wakhuluma ngokwakuzakwenzakala eseyiNkosi yoMbuso kaNkulunkulu. Bala uLukha 21:9-11 beselixoxa ngombuzo lo:

Uyake uzibone zisenzakala yini izinto lezi kumbe uzwe ngazo?

Umphostoli uPhawuli wakhuluma ngokuthi abantu bazabe benjani ngensuku zokucina. Bala u-2 Thimothi 3:1-5 beselixoxa ngombuzo olandelayo:

Uyake ubabone yini abantu okukhulunywa ngabo lapha?

Okusemfanekisweni: Izinto ezenzakala emhlabeni ngensuku zokucina. 1. Umkhokheli wamabutho uphakamise izandla ngapha ememeza. 2. Izakhiwo ezidilizwe yikuzamazama komhlaba. 3. Izindizamtshina zempi. 4. Abantu abagqoke ama-mask bayahamba emgwaqweni. 5. Izakhiwo ezimbili zeNew York ziyatsha ngemva kokuhlaselwa ngama-terrorist. 6. Indoda isebenzisa izidakamizwa. 7. Indoda itshingela umkayo njalo iyamtshaya. 8. Izidakamizwa ezitshiyeneyo lotshwala. 9. Abesifazana ababili bathatha umfanekiso. 10. Indoda itshayela abantu abasephathini ingoma. 11. Umuntu ovukelayo ujika ibhomba.

6. Esingakwenza ukuze sitshengise ukuthi uMbuso kaNkulunkulu uyabusa

Bala uMathewu 24:3, 14 beselixoxa ngemibuzo le:

Yiwuphi umsebenzi owenziwayo otshengisa ukuthi uMbuso kaNkulunkulu usubusa?
Ubona angani ungenzani ukuze wenelise ukuncedisa emsebenzini lo?

UMbuso kaNkulunkulu uyabusa futhi sekuseduze ukuthi uqede zonke inhlupho ezisemhlabeni. Bala uHebheru 10:24, 25, beselixoxa ngombuzo olandelayo:

Kumele senzeni njengoba ‘sibona usuku lusondela’?

Okusemfanekisweni: 1. Umuntu ofundelwa iBhayibhili usemhlanganweni waboFakazi bakaJehova. 2. Umuntu ofananayo usetshumayeza omunye umuntu amaziyo. — Uzakwenzani nxa ungafunda into okwaziyo ukuthi izanceda abanye ukuthi basinde?

NXA OMUNYE ANGATHI: “OFakazi bakaJehova bamthandelani u-1914?”

Ungamphendula usithini umuntu otshonjalo?

ISIFINQO

Iziphrofetho eziseBhayibhilini lezinto ezenzakalayo emhlabeni zitshengisa ukuthi uMbuso kaNkulunkulu uyabusa. Nxa singatshela abanye ngawo njalo singene imihlangano yebandla siyabe sitshengisa ukuthi siyakholwa ukuthi uMbuso usubusa.

Ufundeni?

Kwenzakalani ngemva kweminyaka eyisikhombisa okukhulunywa ngayo ebhukwini likaDanyeli?
Kuyini okwenza ungathandabuzi ukuthi uMbuso kaNkulunkulu waqalisa ukubusa ngo-1914?
Ungatshengisa njani ukuthi uyakholwa ukuthi uMbuso kaNkulunkulu uyabusa?

Isifundo lesi siphele mhlaka:

Ongakwenza

Sebenzela ukuba ngummemezeli wezindaba ezinhle.

Bhala okunye ofuna ukukwenza:

Your other goal

THOLA OKUNENGI

Bala isihloko lesi uzwe ukuthi abezembali kanye labanye bathini ngezinto ebezisenzakala emhlabeni kusukela ngo-1914.

“Ukutshintsha Kwendlela Abantu Abaziphatha Ngayo” (Vukani!, April 2007)

Bala isihloko lesi uzwe ukuthi isiphrofetho esikuMathewu 24:14 sayitshintsha njani impilo yeyinye indoda.

“Ngangiyithanda Kakhulu I-Baseball” (INqabayokulinda No. 3 2017)

Bala isihloko lesi uzwe ukuthi sikwazi njani ukuthi isiphrofetho esikuDanyeli isahluko 4 sikhuluma ngoMbuso kaNkulunkulu.

“UMbuso KaNkulunkulu Waqalisa Nini Ukubusa? (Ingxenye 1)” (INqabayokulinda, October 1, 2014)

Bala isihloko lesi uzwe ukuthi kuyini okutshengisa ukuthi “iminyaka eyisikhombisa” okukhulunywa ngayo kuDanyeli isahluko 4 yaphela ngo-1914.

“UMbuso KaNkulunkulu Waqalisa Nini Ukubusa? (Ingxenye 2)” (INqabayokulinda, November 1, 2014)

a Bala izihloko zokucina ezimbili ezisengxenyeni ethi Thola Okunengi esesifundweni lesi.