UJesu uqhubeka esithi: “Kodwa abanengi abokuqala bazakuba ngabokucina njalo abokucina bazakuba ngabokuqala.” (UMathewu 19:30) Utshoni?

Umbusi onothileyo uphakathi ‘kwabokuqala’ ngoba ngomunye wabakhokheli bamaJuda. Uyayigcina imilayo kaNkulunkulu, yikho ubengaba ngumlandeli kaJesu futhi bekungakhangelelwa ukuthi enze okunengi. Lanxa kunjalo, uqakathekisa inotho kanye lempahla ukwedlula loba yini. Kodwa abantukazana bayananzelela ukuthi uJesu ubafundisa iqiniso lokuthi ubatshengisa indlela yokuthola ukuphila. Bebengathi “ngabokucina” kodwa sebezakuba “ngabokuqala.” Balindele ukuhlala loJesu ezihlalweni zobukhosi ezulwini kanye lokubusa umhlaba ozabe usuliPharadayisi.

UJesu usanda kutshela abamlaleleyo ePhereya ukuthi “abanengi abokuqala bazakuba ngabokucina njalo abokucina bazakuba ngabokuqala.” (UMathewu 19:30) Ucacisa akutshoyo ngomzekeliso wezisebenzi zesivande samagilebisi, uthi: