Amborangariranyi kuti makajizwa kudini pamakatanga kuashira cokwadi co Soko ra Mwari. Imwimwi makajijira kuti Baba wenyu vo kudenga vanoda kuti muite divi ro mbhuri yavo yo vanamati. Imwimwi makajijirazve kuti iyena anogondesa kuti anozopeja matambujiko ese nokutizve munozokwanisa kuvonazve vandhu vamunoda vecimuswa mu nyika imbza. Izvi i zviro zvokutanga zvamakajija. (Mrko. 10:​29, 30; Joh. 5:​28, 29; Varo. 8:​38, 39; Apok. 21:​3, 4) Imwimwi makadakara maningi pamakajija zvokadi izvi. (Ruk. 24:32) Imwimwi makadakarira kujija zviro zvese izvi nokutizve makadakariravo kovhunja vamweni masoko aya. (Ezanisanyi na Jeremiya 20:9.) Patinoda cokwadi co Bhaibheri tinojizwa tecida kuverengera vamweni ngo pamusoro pazvo. (Ruk. 6:45) Tinojizwa inga vajiji va Jesu vakanangaya kudari: “Asi itusu atikwanisi kuregera kuvereketa zviro zvatakavona no zvatakazwa.” (Maba. 4:20) Itusu tinoda cokwadi zvokuti tinodavo kuvhunja vamweni mbhera patinokwanisa. w24.05 15 ¶5; 16 ¶7

Inga vandhu va Jehovha, itusu tinocumaera vamweni ngokuti tino rudo na Baba wedu vo kudenga, cimwenizve, tinoda kubesera vandhu kuti vamuzive. Asi vamweni vanonesehwa kuti vawane mudakaro mu basa ro kucumaera. Ngenyi? Zvingaita kuti vamweni vakanyararisa kana kuti avajithembi pacavo. Vamweni avajizwi ushoni pavanoenda pamuzi po mundhu vacizivi kukokwa. Vamweni vanothya kuti avazoashihwi ushoni. Kangaije vamweni vakajijiswa kuti vatame kuita mabhuyo anoita kuti vamweni vatame kujizwa ushoni. Hama no hambzaji iji, vanozvivona zvecinesa kukhwederera vandhu vavacikazivi kuti vavacumaere masoko akanaka o Umambo. Mukuvo umweni imwimwi munonesehwa kuva no mudakaro mu basa ro kucumaera? Kudari zvakamuitikira mucadoremba. Kangaije zvinokhombija kuti imwimwi muri mundhu anojidodokesa, acikajikuji nokutizve amudi kuvereketesana no vandhu. Kunja kwa zvondhozvo, apana mundhu anodakarira kutama kuashihwa ushoni, maningi-ningi pamunoeja kuita zviro zvaushoni kuno vandhu vamweni. Baba wenyu vo kudenga vari kuvona zvineso zvese zvamuri kuhwisana nazvo nokutizve ivona vanoda kumubesera pa zvese zvamunoda.—Isa. 41:13. w24.04 14 ¶1-2

Pamunopera kuverenga Bhaibheri, kusiyapo basi kuda kushandisa zvese zvamajija pa mukuwo wondhowo, imwimwi mungaeja kushandisa ciro cimwe kana zviviri. Inga muezaniso, mungaeja kuita izvi: Itanyi rista yo zviro zvamunoda kuitisa nane. Perapo, tanganyi kuitisa nane ciro cimwe kana zviviri. Zvimwenizvo, mozozviitisa nane pa kufamba ko nguva. Mungatanga ngozvapi? Imwimwi mungatanga kuita zviya zvamunovona kuti zvakamurerukira. Kangaije mungatanga ngo zviro zvamunovona kuti munodikana kukasika maningi kuzviitisa nane. Pamunopera kusana zviro zvamunoda kutanga kuitisa nane, ngo zvaushoni kupsakisisa mu mabhuku edu. Itanyi mukumbiro kuna Jehovha ngo pamusoro po zviro zvamunodaro kuitisa nane, mecikumbira “cido no simba ro kuita.” (Vafi. 2:13) Perapo, shandisanyi zvamunongaro majija. Kudari muri kukwanisa kuitisa nane zviro zvokutanga, kangaije mungazojizwa mecivangiswa kuti muitise nane zviro zvimweni. Ngo zvokadi kuti kudari mukakwanisa kuitisa nane divi riri rese mu upenyu hwenyu hwo Cikristu kana mugariro wo Cikristu, kangaije mungazovona zvecireruka maningi kuitisa nane mugariro jimweni. w24.09 6 ¶13-14