Luka

15 Iye wakati kwabali: “Galani mukazhula mesho akale mulimukile bupazwi bose, kojoba unhu elinozunu zunji, bupenyu bubwe abutova pazunu zwaananazo.” 16 Wakababuja nozonkwejaniso eti: “Uminda womwe umfumi wakakoloka zubhodo. 17 Wakatanga kuyeya mumoyo mumwe eti, ‘Ini zwandingate nokuti andichina indawu yokubigila zulyo zwangu?’ 18 Wakati, ‘Ndichata yozu: Ndichapilimula ose makombana angu ndibake makulwana kasa, akale ndichabiga zulyo zwangu zwose nozunu zwangu zwose, 19 ndichati kumpepo wangu: “Unachuma chikulwana chibhodo kwamakole manji anozha ilya, unwe, ushante.” ’ 20 Koga Mwali bakati kwaali, ‘Awe lema, busiku bwanasi umpepo uwo unoootolwa. Ani biya zunu zwose zwawakalondota zunooba zwani?’ 21 Ndizo zunota unhu unozubunganisila ifuma koga esijilofuma kuna Mwali.”