Mateu

7 Pawunobenamata usipamulule zunu zumwempela sozunota banhu baamwe maluji, banoyeya kuti bachawhikwa kana bengolebeleka mawhi manji. 9 “Nokudalo namatani ali: “ ‘Tate bedu bokudenga, izina lyenu ngalikujwe. 10 Bushe bwenu ngabuswike. Kuda kwenu ngakutiwe penyika, sokudenga. 11 Tipeni nasi zokulya kwanasi; 12 mutilekelele zubi zwedu, sozwatinolekelela banotitila zubi. 13 Musitingwinise muchikweji koga mutitabilije kumbi.’ 14 “Kana mulekelela banomuchinyila, Tate benu bokudenga banomulekelela bo; 25 “Ndinoti kwamuli: Lekani kuzulya moyo pezhulu pobupenyu bwenu kuti muchalyani kana kuti muchanwani, kana pezhulu pemibili yenu kuti muchambalani. Bupenyu abujilokosha kupinda zokulya na akale umbili awujilokosha kupinda zumbalo na? 26 Lingisisani tunyuni tokudenga; atutobyala imbewu, atutovuna akale atutobunganisa zulyo mumakombana, koga Tate benu bokudenga banotupa zokulya. Amujilokosha na kupinda ito? 27 Ndiyani umwe wenu angalebhesa bupenyu bubwe nonshaji unshomanana nokuzulya moyo? 28 Akale mozulyilani moyo pezhulu pozokumbala? Yeyani maluba eshango kuti anokubuka chini, aatoshinga aatoluka; 29 koga ndinoti kwamuli kojoba iye Solomoni nempuwo iye yose aajakambajikwa selimwe lyawo. 30 Ngweno kuti Mwali embajika buhwa bweshango ali ibo bunoti nasi bwipo mangwana buposelwa mumoto, angakonelwa kumulondota na, imwi banakudimbwa kushoma? 31 Nokudalo musuzulye moyo muti: Tolyani?, Tonwani? kana kuti Tombalani?’ 32 Nokuti amwe maluji anozuda zunu zwose yozu. Koga Tate benu bokudenga banoziba kuti zwose yozu mozudabo. 33 Koga lambani mutanga kupyanga Bushe nokululama kukwe, mungodalo zwose yozu zumwe zunopamijilwa kunamwi. 34 Musuzulye moyo nezhuba linotobela nokuti izhuba linotobela linakuzulya moyo kwalyo. Izhuba nezhuba linanobukukutu bwalyo.