BaKolose

5 Bulayani, zubabi zwemibili yenu yopenyika zunanga kupombola, kusochena, nokutongwa nelakamilo yokuda kunda pabulo, zulakamilo zubi, nobupazwi, kunoba kunamata zubezhwa. 8 Koga ngweno lashani zwose yozu: bukali, kunyema, bubi, kutuka, akale kulebeleka mawhi anopisa ishoni nondomo wenu. 12 Sabanhu baMwali baakashaluja, balochena akale banodikanwa, mbalani ludo lokuwhilana ishe, kuzuninipisa, bunyolo nomoyo undefu. 13 Lambani mutilana moyo undefu akale mulekelelana nomoyo wose kojoba umwe elinechizatu chokusola umwe. Sezwo Jehova akamulekelela nomoyo wose namwibo itani alo. 16 Iwhi lyaKristo ngaligale munamwi nobuchenjeli bose. Lambani mulayijana akale mukutayijana nolwimbo, nejimbo jokukuja Mwali, notwimbo tompepo tunokwimbwa tiboka, mukwimbila Jehova mumoyo mwenu. 20 Imwi bana, whililani bazwali benu muzunu zwose nokuti yozu zunoshantisa She. 23 Zwamunota zwose muzute nomoyo wose sokuti mumutila Jehova, kusikuti banhu, 24 muziba kuti muchatambula umbayilo welifa kuna Jehova. Shingilani Tezi, Kristo.