Mateu

3 Paakabeli gele pasi muDunhu linowi Oliveti, batobeli bakezha kwaali beliboga bakati: “Tibujeni kuti yozu zuchatikana lini, akale ini chichaba chitondejelo chokuti mwaba ipo nokuti inyika yaba kumapejelejo ayo?” 6 Muchawha nozwehondo namaleba-leba ozwehondo. Musityisijilwe nozwazwo, nokuti zunu yozu zunokwelela kutikana, koga kupela akutoobana swika. 7 “Nokuti luji lunoomukila lumwe luji nobushe bunoomukulila bumwe bushe, akale kunooba nokushomapala kokulya nokudengunuka kwenyika mundawu inji. 14 Akale indebo imbuya yeji joBushe jinoopupulwa munyika yose kuti kube busumikiji kunduji jose, akale kupela kusikoswika. 45 “Ndiyani zwechokomende undanda ulochenjela nowulobimbika, wakaponchwa nashe uwe kuti etungamilile bopengumba iye, kuti ebape zokulya nonshaji ulokwelela? 46 Unoshanta undanda yoyo kana tezi uwe angowana eta zunu yozu paanozha! 47 Chokomende ndinoti kunamwi, unoombiga kuti ebe umbati wozwose zwaananazwo.