Ini Chinotisa Kuti Imhuli Ishantilwe?

ZUNOLEBWA NEBHAYIBHILI

“Banoshanta banowha iwhi lyaMwali akale belilondota!”—Luka 11:28, New World Translation.

ZUNGAKUBHANCHA CHINI YOZU

TINGAZUDIMBWA NA ZUNOLEBWA NEBHAYIBHILI?

Ichokomende nozutondejelo zubili:

• Mwali ndiye wakatanga imhuli. IBhayibhili linoti ‘jimhuli jose jinowana mazina ajo’ kuna Jehova Mwali. (BaEfeso 3:14, 15) Yozu zunoleba kuti imhuli ipo nokuti Jehova ndiye wakayibumba. Neni zwakadalo?

  Atiti umulya chokulya chibhodo, akale uda kuziba kuti chabhikwa chini, unobhuza ani? Zulokwelela kubhuza kumbhiki.

  Zwakadalo, kuti tishante mumhuli tokwelela kubimba naJehova nokuti ndiye wakata kuti imhuli ibe ipo.—Matangisilo 2:18-24.

• Mwali unokubabalila. Buchenjeli kuti imhuli ishake kutungamililwa naJehova zuva muWhi lilye iBhayibhili. Neni? “Nokuti unokubabalila.” (1 Pita 5:6, 7, New World Translation) Jehova uneshantilo kunomwe nomwe, kulaya kukwe kunotibhancha unshaji wose!—Zwichimbe 3:5, 6; Izaya 48:17, 18.