Indebo Imbuya Jimusumwa Chini?

Nokukambija Jehova uchapeja bukukutu bose eshingisa Bushe bubwe. Yaya mawhi mabhodo anokwelela kuzibwa nonhu wose. Jesu wakabeda kuti batobeli babe bebuje unhu wose mawhi yaya! (Mateu 28:19, 20) BaSumikiji baJehova bamukuwhilila chini undawu wabakapiwa naJesu?

1. Mateu 24:14 umukuzhajikijika chini nasi?

Jesu wakati: “Indebo imbuya yeji joBushe jinoosumwa pasi pose kuti jibe busumikiji kunduji jose.” (Mateu 24:14) BaSumikiji baJehova banoshanta kuta unshingo yoyu ulokosha. Timusuma indebo imbuya munyika yose mundimi jinopinda 1 000! Unshingo unkulwana zwakadayi unoda kushinga nesimba akale zulolongeka. Pasina lubhancho lwaJehova atijalozutubula.

2. Ini zwatingate kuti tikwanise kusuma kubanhu?

Tosuma pose panowanika banhu. SamaKristo okutanga tosuma “pengumba nengumba.” (Mishingo 5:42) Inzila yeyi ilolongeka inota kuti tikwanise kulebeleka namamiliyoni abanhu gole negole. Sezwo banhu besinowanika mujingumba jabo tosuma indebo imbuya mundawu jinowanika banhu. Togala tipota zubaka zokubuja bamwe nozwaJehova akale nozunangwa zuzwe.

3. Ndiyani ulopiwa unshingo wokusuma indebo imbuya?

Kusuma indebo imbuya unshingo wonKristo wose wechokomende. Tinokoshesa unshingo yoyu. Tosuma zukwendelana nesimba lyedu kutila kuti banhu bechijwe. (Balani 1 Timoti 4:16.) Atitowana indipo kana tita unshingo yoyu nokuti iBhayibhili linoti: “Mwakapiwa pesina indipo, panibo pesina indipo.” (Mateu 10:7, 8) Atoba unhu wose unowhilila mawhi edu. Koga tinondilila mbeli tisuma nokuti ndiyo inzila yatinonamata nayo akale zunota kuti Jehova eshantilwe.

FUNDA ZUNJI

4. Toshinga nesimba kuti tipupule kunhu wose

IVIDIYO: Ukutshumayela “Lasemikhawulweni Yomhlaba” (7:33)

• Kushinga nesimba kunota baSumikiji baJehova kuti besume indebo imbuya kunota kuti uwhe chini?

Balani Mateu 22:39 naBaRoma 10:13-​15, akale kwejisani nemibhuzo yeyi:

• Unshingo wedu wokupupula unotondeja chini kuti tobada babakijani bedu?

• Jehova unobabona chini banhu banosuma indebo imbuya? Linga vesi 15.

5. Toshinga pamwempela naMwali

Kunabusumikiji bunji bunotondejela kuti Jehova umukutungamilila unshingo wedu. Sonkwejaniso, kuNew Zealand mwanakwayina unowi Paul wakashangana nomwe wechinhukaji paakabesuma indebo imbuya pengumba nengumba. Kuseni kwadeni unhukaji yoyu wakabanamata kunaMwali eshingisa izina lyokuti Jehova ekumbila kuti eshanyilwe. Paul unoti “Ndakaswika pengumba yadeni kwapinda maawa 3.”

Balani 1 BaKolinte 3:9, akale kwejisani nombuzo yoyu:

• Zwakatikana kuNew Zealand zunotondeja chini kuti Jehova umukutungamilila unshingo wedu wokupupula?

Balani Mishingo 1:8, akale kwejisani nombuzo yoyu:

• Neni tida lubhancho lwaJehova kuti tibhudilile ponshingo wokupupula?

Wabezuziba na?

Iviki neviki ponshangano wopakati peviki tolayijwa inzila yokupupula. Kana wakabayingwina mishangano yeyi wakayibona chini inzila yatinolayijwa nayo nozonshingo yoyu?

6. Towhilila undawu watakapiwa naMwali wokuti tipupule

Munshaji wamaKristo okutanga babengi bakakweja kumisa unshingo wokupupula wakabetiwa nabatobeli baJesu. MaKristo akalwila indulamo yabo “yokupupula indebo imbuya. . . zupopamulawu.” (BaFilipi 1:7) Nanasi ndizo zumutiwa nabaSumikiji baJehovaa

IVIDIYO: Ukuvikela Izindaba Ezinhle Ngokusemthethweni (2:28)

Balani Mishingo 5:27-42, akale kwejisani nombuzo yoyu:

• Neni tisinokwelela kuleka kupupula?​—Linga mavesi 29, 38, na 39.

INI ZWAWAFUNDA

Jesu wakalayilila batobeli babe kuti bepupule indebo imbuya kunduji jose. Jehova umubhanchija banhu babe kuti bete unshingo yoyu.

Kubwilulula

• Indebo imbuya jimupupulwa chini munyika yose?

• Unshingo wedu wokusuma indebo imbuya unotondeja chini kuti tobada babakijani bedu?

• Ubweni sokuti unshingo wokupupula unonakilija na? Neni udalo?

PAMIJA PANA ZWAWAWANA

Bona kuti baSumikiji baJehova banopupula chini mumakuta makulwana.

Ukutshumayela Ngokubukisa Amabhuku EParis (5:11)

BaSumikiji baJehova banota chini kuti bepupule?

Ukutshumayeza Iziphepheli (5:59)

Iwha umwe ebhawunula kuti umuwha chini nonshingo wokupupula kobupenyu bubwe bose.

Ngiyathaba Ukuthi Ngakhetha Lumsebenzi (6:29)

Bala uwhe jimwe nyaya jomumakota jatakakoma jakabhanchija kuti unshingo wokupupula undililembeli.

“Abamemezeli Bombuso Badlulisela Izindaba Zabo Emthethwandaba” (Umbuso KaNkulunkulu Uyabusa!, isahluko 13)