Yokuthoma YeenKronike

25 Ngaphezu kwalokho, uDavida neenduna zeenqhema zomsebenzi bahlukanisa amanye wamadodana ka-Asafa, kaHemani newakaJedutuni+ bona aphorofide ngamaharibha, ngeenliliso zesinara+ nangamasimbali.+ Nanti irhelo lamadoda aphathiswe umsebenzi lo, 2 emadodaneni ka-Asafa: NguZakuru, uJosefa, uNetaniya no-Asarela, amadodana ka-Asafa anqotjhiswa ngu-Asafa obekaphorofida anqotjhiswa yikosi. 3 KaJedutuni,+ amadodana kaJedutuni: NguGedaliya, uTseri, uJosaya, uTjhimeyi, uRhatjhabiya noMatitiya,+ bewasithandathu, anqotjhiswa nguyise uJedutuni, owaphorofida ngeharibha, athokoza begodu adumisa uJehova.+ 4 KaHemani,+ amadodana kaHemani: NguBhukiya, uMathaniya, u-Uziyeli, uTjhebuyeli, uJerimothi, uRhananiya, uRhanani, u-Eliyata, uGidalithi, uRomamithi-Ezeri, uYotjhibekhatjha, uMalothi, uHotiri noMarhaziwothi. 5 Woke la bekumadodana kaHemani, umboni wekosi eendabeni ezimalungana noZimu weqiniso bona amphazimulise;* nje-ke uZimu weqiniso wapha uHemani amadodana ali-14 namadodakazi ama-3. 6 Boke laba bebanqotjhiswa nguyise ekubhineni endlini kaJehova, bebadlala amasimbali, iinliliso zesinara namaharibha+ emsebenzini wendlu kaZimu weqiniso ebebawenza.

Ebebanqotjhiswa yikosi bekungu-Asafa, uJedutuni noHemani.

7 Isibalo sabo nabafowabo ababandulelwe ukubhinela uJehova, boke bamagagu, besima-288. 8 Nje-ke benza ifumbe+ malungana nemisebenzabo, ngaphandle kokukhetha omncani nomkhulu, igagu nomafundana.

9 Ifumbe yokuthoma yadla indodana ka-Asafa uJosefa,+ yesibili yadla uGedaliya+ (yena nabafowabo namadodanakhe bebali-12); 10 yesithathu uZakuru,+ amadodanakhe nabafowabo, bebali-12; 11 yesine uJitsiri, amadodanakhe nabafowabo, bebali-12; 12 yesihlanu uNetaniya,+ amadodanakhe nabafowabo, bebali-12; 13 yesithandathu uBhukiya, amadodanakhe nabafowabo, bebali-12; 14 yekhomba uJesarela, amadodanakhe nabafowabo, bebali-12; 15 yobunane uJosaya, amadodanakhe nabafowabo, bebali-12; 16 yethoba uMathaniya, amadodanakhe nabafowabo, bebali-12; 17 yetjhumi uTjhimeyi, amadodanakhe nabafowabo, bebali-12; 18 ye-11 u-Azareli, amadodanakhe nabafowabo, bebali-12; 19 ye-12 uRhatjhabiya, amadodanakhe nabafowabo, bebali-12; 20 ye-13 uTjhubayeli,+ amadodanakhe nabafowabo, bebali-12; 21 ye-14 uMatitiya, amadodanakhe nabafowabo, bebali-12; 22 ye-15 uJeremothi, amadodanakhe nabafowabo, bebali-12; 23 ye-16 uRhananiya, amadodanakhe nabafowabo, bebali-12; 24 ye-17 uYotjhibekhatjha, amadodanakhe nabafowabo, bebali-12; 25 ye-18 uRhanani, amadodanakhe nabafowabo, bebali-12; 26 ye-19 uMalothi, amadodanakhe nabafowabo, bebali-12; 27 yama-20 u-Eliyata, amadodanakhe nabafowabo, bebali-12; 28 yama-21 uHotiri, amadodanakhe nabafowabo, bebali-12; 29 yama-22 uGidalithi,+ amadodanakhe nabafowabo, bebali-12; 30 yama-23 uMarhaziwothi,+ amadodanakhe nabafowabo, bebali-12; 31 yama-24 uRomamithi-Ezeri,+ amadodanakhe nabafowabo, bebali-12.