• Isaya 44:19, 20
    IBhayibheli ImiTlolo ECwengileko

    • 19 Akekho okhumbulako ehliziywenakhe

      Namkha onelwazi namkha ozwisisako, othi;

      “Ingcenyazo ngiyitjhise ngomlilo,

      Begodu emalahlenazo ngibhage uburotho ngabasa nenyama bona ngidle.

      Kghani kufuze eziseleko ngizenze into enyenyisako?+

      Kghani kufuze ngilotjhe isiqephu sesigodo semthini?”

      20 Udla umlotha.

      Ihliziywakhe ekhohlisako imlahlekisile.

      Akakghoni ukuzisindisa namkha athi:

      “Awekho na amala ngesidleni sami?”