MOYO WASU WA CHIKHILISITU

Yehova okonda ŵanthu awukhondo

Makolo anyinji oyeja-yeja kuphunzisa ŵana ŵawo kuti akonkhala awukho-ndo mwa kuthupi. Ove oŵauja kuti: ‘Nkhosambani mmanja. Nkhosamalilani m’chipinda mwanu. Nkhopyelani m’ng’anda. Nkhotayani kutali vinyalala.’ Kunena chendi, mfundo zokhuza ukhondo zakuphunzisa makolo ŵana ŵawo zufumila kwa Mulungu wasu ntuŵa. (Eks 30:18-20; De 23:14; 2Ak 7:1) Keno sewo tikonkhala awukhondo mmuŵili mwasu komasoti na vinthu vasu, tikolemekeza Yehova. Lomba tyani ponena za pang’anda pasu komasoti kumadela kwatunkhala? Nise osiyana na ŵanthu amene akungotaya vinyalala mu nsewu komasoti m’tumimana, monga akhilisitu, tuchita vilivonse vatingakwanishe kuti chalo chikonkhala chaukhondo. (Sl 115:16; Chv 11:18) Olo pa vinthu vitontho-vitontho sewo tuwonesha kuti nise awukhondo. Mwachisanzo, kansi mwewo mungataye kuni vimapepa, vimakhadibokisi, olo vimabotolo? Vatingachite, vingawoneshe nkhalidwe yasu pankhani ya ukhondo. Pa vochitika vili vonse pa moyo wasu, tufunika ‘kuwonesha kuti nise ŵanthu a Mulungu’.—2Ak 6:3, 4.

LOLELANI VIDIYO YAKUTI MULUNGU OKONDA ŴANTHU AWUKHONDO, PAVULI PAKE YANKHANI MAKONSHO AŴA:

Kansi n’vifukwa votyani vakulaŵila ayakine pofuna kuzikhululukila kuti osati ankhale awukhondo?
Kansi Chilamulo cha Mose chuwonesha tyani mwakuganizilila Yehova pa nkhani ya ukhondo?
Kansi tingatamande tyani Yehova olo tiliye laŵile kanthu?

Tata okwela mmotoka ya mwana wake yosasuka; tata na mwana wake okambilana za malamulo a Yehova ponena za ubwino waukhondo; ansembe aŵili achi Isirael pambali pa dishi yagolide yosambilamo, gulu ya utumiki wa kumunda yuchoka mmotoka yosuka ya mwana — Kansi newo ningawoneshe tyani kuti nili na maganizo a Yehova pankhani ya ukhondo?