Tsowa di Hlatolla ke Luka

11 Byalo, ke mo a le ga poleke ye nngwana a rapela, mo a fetsa, ye mongwana wa malata yage a re gage: “Morena, re tšhutise go rapela go tshwana le ka mokgo Johane a yyeng a tšhutisa malata yage.”

2 A re ga bona: “Le rapeleneng ka mokgo: ‘Papa, lebitso lago le hlawolege.* Lisetsa Mmušo wago wo tle. 3 Re neye tsa go ja tsa rune tsa lekgono, go ya ka tso re di gayelang letšatši lone. 4 O re tshwarele ga tso re di sinnyeng, ka taba la gore le rune re tshwarela bo ba re sinyeleng; fote re gelepe gore re sa phiriketsege.’”

5 Byalo a re ga bona: “Tla re fo re o na le monghana, ke mokane o ya gage bošego, o segela o re, ‘Monghana, ke kgopela* malofo ka mararo, 6 ka taba la gore monghanaka o segele fote a ke na sa go mo neya.’ 7 Mara yela a leng ka ku ntlong a re: ‘O sa nhlupe. Ke šele ke khiyye monyako, le dibananyana tsaka di šele di yetsele. Nka sa kgone go tsoga ke go neya.’ 8 Ke ya le botsa, o nyoko tsoga a mo neya tso a di kgopelang, go se ka taba la gore ke monghanage, mara ka taba la gore aa lisetsa go mo kgopela. 9 Byalo ke re ga lune, ariyeneng mahlong le kgopela, ba ko le neyeng; ariyeneng mahlong le nyaka, le ko kraya; ariyeneng mahlong le kokota, ba nyoko le bulela. 10 Ka taba la gore ye a kgopelang wa neyiwa, ye a nyakang wa kraya, fote le ye a kokotang ba nyoko mmulela. 11 Nje ke mang papa wa gore mo ngwanage a kgopela hlapi a ka mo neya noga? 12 Kela mo a kgopela lekata a mo neya lešigišigi? 13 Byalo, mo lune le kene le le batho ba go sinya mara le di kgona go makela bana ba lune dilo tsa gabutši, ayitsano Papa wa lune wa ku legedimong a ka šitega go neya bo ba mo kgopelang moya wa go hlawolega?”

14 Ka nthago a raka ledimona la gore ke mo le maka motho ye le mo kenneng gore a sa kgone go bolabola. Mo ledimona lela le šele le tšwile, monna yela wa semumu a thomisa go bolabola, mogoba wa šala wo makele. 15 Ba bangwana ba re: “Monna yewa o raka madimona ka Bhelzebhabho,* kgoši ya madimona.” 16 Ba bangwana ke mo ba mo nyakisa, ba thomisa go nyaka mošupetso gage, wa go tšwa legedimong. 17 Ka taba la gore Jeso ke mo a tšiba tso ba di naganang, a re ga bona: “Mmušo wo mongwana le wo mongwana wa gore batho ba gona baa lwa, wo nyoko wa, fote mutši wo ka sa yeme solanka batho ba gona ba sa kwane. 18 Ka mokgonone, mo Sathane a lwa le yene mong, mmušo wage wo nyoko yema byang? Akere le re nna ke raka madimona ka Bhelzebhabho. 19 Mo nkare nna ke raka madimona ka Bhelzebhabho, barwayi ba lune ba ma raka ka mang? Nka taba lo ba nyoko le yahlulang. 20 Mara mo nkare ke berekisa moya wa Modimo go raka madimona, Mmušo wa Modimo wo tlile le sa nagana. 21 Mo monna wa segoboro a pasopa ntlo yage, dilo tsage ka mokana ga tsona di nyoko fo dula di pasopegiye. 22 Mara mo go ka tla motho wa go mo feta ka matšhika, a mo hlula, motho yene o nyoko tseya digale tsa segoboro sone tso se di tshepiyeng ka mokana ga tsona, a yahloganya dilo tso a di tsereng ka mokana ga tsona. 23 Motho wa gore aa yeme le nna o lwa le nna, le wa gore aa kgobaketse le nna wa tlalaganya.

24 “Mo ledimona le tšwa mothong, le feta polekeng ya gore ke kgwaakgwa, le nyakana le ga go khutsa mara mo le sa go kraye, le re, ‘Ke nyoko boyela ga motho yela ke tšwileng gage.’ 25 Mo le segela, le kraya motho yela a tshwana le ntlo ya gore a yi na motho mara yi suwediwwe fote yi kgabisiwwe. 26 Ledimona lone le lata madimona ya mangwana kašupa ya wona ya dipelo tse diphifadu go phala lona, mo ma segela ma kena, ma dula gana hone, motho yela o napa a sinyega ka matla go phala mathomisong.”

27 Mo Jeso a kene a hlaya tsotsone, gwa nyarela mosadi ye mongwana hala mogobeng a re gage: “Go rufegiye popelo yo ne yi go rwele le matswele ya ma go yangwisiyeng!” 28 Jeso a re: “Awwa, mara go jabola ba gore ba kwa lentsu la Modimo, ba maka tso le di hlayang!”

29 Mo batho ba kene ba kgobaketsana, Jeso a thomisa gore: “Moloko wowa wo na le dipelo tse di phifadu, wo dula wo nyaka mošupetso, mara wo ka sa kraye mošupetso mo go se wa Jona. 30 Go fo tshwana le mo Jona a yye a ba mošupetso ga Maninive, le Morwayi wa motho o nyoko ba ka mokgonone ga moloko wowa. 31 Kgoši ya mosadi ya go tšwa borwa yi nyoko tsusiwa le moloko wowa ka letšatši la go yahlula, ke mokane yi nyoko šupetsa gore moloko wowa wo sinnye, ka taba la gore yi tšwa kgole gore yi tle yi kwe ka mahlalefelo ya Solomone. Mara bonaneng! motho wa go feta Solomone o šele a segele. 32 Mo Modimo a yahlula batho ka mokana ga bona, moloko wa gana byalo wo nyoko yema le moloko wa Ninive. Mara ka taba la gore Maninive ma yye ma tisola mo Jona a ma tšhomayelela, ma nyoko šupetsa gore moloko wa gana byalo wo sinnye. Mara bonaneng! motho wa go feta Jona o šele a segele. 33 Mo motho a fetsa go tšhuba llampa, aa le wutametse kela a le kogela ka mmantši, mara o le beya gedimo ga sa go beya llampa gore le thogo khanyisela batho bo ba kenang. 34 Llampa la mmele ke lihlo. Mo lihlo lago le sa talakanye,* mmele wago ka mokana ga wona wo nyoko khanya; mara mo le nabela dilo tsa gore a yi tsago,* mmele wago wo nyoko ba letshwifing. 35 Le pasopeneng le sa kraye go khanya ga lune go le letshwifi. 36 Byalo, mo mmele wago ka mokana ga wona wo khanya, go se na le ka ggoši ga gore a gwa khanya, wo nyoko bekenya ka mokana ga wona go tshwana le mo llampa le khanyisa.”

37 Mo a fetsa go hlaya tsotsone, Lefaraseyi le lengwana la mo kgopela gore a tle a je nalo. Jeso a ya a ja nalo. 38 Mara Lefaraseyi lone ke mo le makele mo le mmona a sa thomisi ka go hlapa* matsogo mo ba soko ja. 39 Morena a re gage: “Lune Mafaraseyi, le kalakatswa komitši le sitša ka mo tawong, mara ka mo teng le f’lo re mbho ka dipawo fote le na le dipelo tse diphifadu. 40 Lune diphokophoko! Anthe a le di tšibi gore ye a makiyeng mmele o makiye le pelo? 41 Mo nkare le kwela ye mongwana go baba, fote le mo neya se sengwana,* di nyaka le mo neye di tšwa pelong ke mokane le nyoko šala le yediye. 42 Le ko tikweleng lune Mafaraseyi, ka taba la gore le leya sa lesome sa minti le sa peganoni* le sa dimilane ka moka, mara le nyatsa go loka ga Modimo le ka mokgo a re nyakang ka gona! Dilo tsowa ke mo le gapeletsega gore le di make, mara a di rele gore le sa yise felo ka tse dingwana. 43 Le ko tikweleng lune Mafaraseyi, ka taba la gore le kwana le ditulo tsa mayemo* mo le le disinagogeng, fote le kwana le go tamisiwa mo le le memmakete! 44 Le ko tikweleng, ka taba la gore le fo tshwana le mabitla* ya gore a ma bonale gabutši, ya gore batho ba fo feta gedimo ga wona ba sa di tšibi!”

45 Ye mongwana wa go tšiba Molawo a fetola a re: “Thitšere, phela o rogelela le rune ka tso o di hlayang.” 46 Jeso a re: “Le lune ba gore le tšiba Molawo le ko tikweleng, ka taba la gore le tlemelela merwalo ya go roba le yi rwesa batho ba bangwana, mara lune beng a le nyake le go yi tikisa!

47 “Le ko tikweleng, ka taba la gore le yaga mabitla* ya baporofeta ba gore ba bolayye ke bokokwane ba lune! 48 Le di tšiba gabutši tso di makiyeng ke bokokwane ba lune, mara le ya di yamogela, ka taba la gore ba bolayye baporofeta mara lune le ba yagela mabitla. 49 Nka taba lo Modimo wa go hlalefa a hlayyeng gore: ‘Ke nyoko ba romela baporofeta le mapostola, ba nyoko bolaya ba bangwana ba boya ba hlorisa ba bangwana, 50 gore madi ya baporofeta bone ka mokana ga bona ya ma falatsiwweng mo lefaseng ma be matsogong* ya moloko wowa, 51 go thomisa ka madi ya Abele go segela ka madi ya Zakariya, wa gore ba mmolayele gare ga aletara le ntlo.’* Eya, ke ya le botsa, ma nyoko ba matsogong* ya moloko wowa.

52 “Le ko tikweleng lune ba go tšiba Molawo, ka taba la gore le tsere dikhiya tsa go bulela batho gore ba tšibe ka Modimo. Lune beng a le ya kena fote le liketsiye go thibelela bo ne ba nyaka go kena!”

53 Mo Jeso a tloga hone, bomabhalane le Mafaraseyi ba thomisa go mo kgobakanela, ba mo kenelela ka diputsiso 54 ka taba la gore ke mo ba ramele go mo tanya ka so a ka se hlayang.