Tsowa di Hlatolla ke Luka

1 Batho ba go tlala ba yye ba karakara gore ba nyakolle dilo tsowa fote ba di ngwale fase, byalo le rune re di tshepa re sa kamake. 2 Bo ba di bonneng le bo ne ba sabalatsa molayetsa wa Modimo ba re butsiye tsona. 3 Byalo wene Thiyofilase wa go hlompega, dilo tsowa ka mokana ga tsona ke di nyakolliye, le nna ke segelele sepheto sa gore ke di ngwale fase ka letheto. 4 Ke makiye tsotsone ka taba la gore ne ke nyaka go hlatsela gore dilo ka mokana ga tsona tso o di tšhutiyeng ke nnete.

5 Byalo, ka dinako tsela tsa Heroda* kgoši ya Judiya, ke mo go na le moprista ye mongwana ba re ke Zakariya wa go tšwa ga mogoba wa maprista ya Abhiya. Mosadi wage ke mo a tšwa ga moloko wa barwediya ba Aroni, lebitso lage ba re ke Elizabheta. 6 Ka mokana ga bona ke mo ba lukiye mahlong ga Modimo, fote ne ba se na selabi ka taba la gore ke mo ba sepela ka molawo wa Jehova. 7 Mara ke mo ba se na bana ka taba la gore Elizabheta ke mo a sa belege, fote ka babedi ga bona ke mo ba šele ba tsofele.

8 Byalo Zakariya ke mo a bereka go le moprista, ka gore ke mo go le nako ya mogoba wa maprista ya Abhiya gore wo bereke tempeleng, 9 a kena ka tempeleng ya Jehova ka gore ne go šele go le nako yage ya gore a tšhube tsa go nkgela, go ya ka tso maprista ne ma tlwayele go di maka. 10 Mogoba wa batho ke mo wo le ka hala tawong wo rapela, mo go kene go tšhubiwa tsa go nkgela. 11 Gwa nyarela lengeloyi la Jehova, la yema ka letsogong la go ja la aletare ya go tšhuba dilo tsa go nkgela. 12 Zakariya a fo kwa di mo yilametsa a thomisa go tšhoga. 13 Mara lengeloyi la re gage: “O sa tšhoge Zakariya ka taba la gore thapelo yago yi kwagele, mosadi wago Elizabheta o nyoko belega ngwana wa mošomanyana, o mo reye gore ke Johane. 14 O nyoko jabola ka matla, fote ba go tlala ba nyoko ro hlakela mo a belegiwa, 15 ka taba la gore o nyoko ba a jabodisa mahlong ga Jehova. Mara a di nyake a nwa wayini kela mohlobo wo mongwana wa mokgete, o nyoko ba a na le moya wa go hlawolega le mo a soko belegiwa, 16 fote o nyoko maka gore barwayi ba Israyele ba go tlala ba boyele ga Jehova Modimo wa bona. 17 O nyoko mo yeta mahlong a na le matšhika ya go tshwana le ya Eliya, gore a thogo sokolla dipelo tsa bopapa gore di boyele ga bana ba bona, le go maka gore bo ba go sa kwe ba hlalefe go tshwana le batho ba go loka, gore a thogo lukiselela Jehova batho bo ba tikemiseleng go mmerekela.”

18 Zakariya a re ga lengeloyi lela: “Nka di tshepa byang tsotsone? Ke tsofele, le mosadi waka o tigolele.” 19 Lengeloyi lela la re gage: “Ke nna Ghabhriyele wa go yema thina le Modimo, ba nromme gore ke bolabole nago fote ke go botse ditaba tsowa tsa go bafala. 20 Mara o nyoko ba semumu fote o ka sa di kgone tsa go bolabola go segela dilo tso ka mokana ga tsona di makega, ka taba la gore a wa tshepa tso ke go botsang tsona tsa gore di nyoko makega ka nako ya gona.” 21 Batho bo ne ba le ka hala tawong ba yye ba fo ya mahlong ba yemele Zakariya, fote ke mo ba makele gore ke ntaba a tseya nako a le ka ku ga gore ba tšhubela gona dilo tsa go nkgela. 22 Mo a tšwela ka hala tawong, ke mo a sa sa kgona go bolabola nabo, a fo šupašupa ka menwana. Mo batho ba bona tsotsone ba fo naganela gore o bonne mohlolo* ka ku ga gore ba tšhubela gona tsa go nkgela. 23 Mo matšatši yage ya go maka mmereko wa go hlawolega ma fela, o yye gaye.

24 Ka nthago ga matšatšinyana, mosadi wage Elizabheta o yye a yima, a fetsa kapheta ya dikgwedi a sa tšwe ka ntlong, a re: 25 “Jehova o makele nna dilo tsowa. Wa n’gopola ka taba la gore aa nyake gore batho ba ntseyele fase.”

26 Ka kgwedi ya kobodi, Modimo a roma lengeloyi lo ba reng ke Ghabhriyele ga poleke ya Galeliya yo ba reng ke Nazareta, 27 ga kgareba ya gore Josefa wa ntlo ya Dafita ke mo a yi tshepisiye mošadho, lebitso la kgareba yone ke mo go le Mariya. 28 Mo lengeloyi lela le kena hala la re gage: “Tama, wene wa gore o rufegiye ka matla fote Jehova o nago.” 29 Mara a makatsa ke mantsu yage a nyaka go kwisisa gore ke matamiselo ya mošaga mang yanane. 30 Lengeloyi lela la re gage: “O sa tšhoge Mariya, ka taba la gore Modimo o go nyakiye ka matla. 31 O nyoko yima wa belega ngwana wa mošomanyana, o mo reye gore ke Jeso. 32 Yenene o nyoko hlawolega, o nyoko bitsiwa gore ke Morwayi wa Ye a Leng ku Malenghelengheng, fote Jehova Modimo o nyoko mo neya setulo sa go lawola sa Dafita papage, 33 o nyoko lawola go le Kgoši ga ntlo ya Jakobo go ya go yye, fote Mmušo wage o ko fo dula o le gona.”

34 Mara Mariya a re ga lengeloyi lela: “Di nyoko makega byang tsotsone ka taba la gore nna a ke soko yetsela le monna?” 35 Lengeloyi lela la re gage: “Go nyoko bereka Moya wa go hlawolega le matšhika ya Ye a Leng ku Malenghelengheng. Fote ka taba lolone, ye a nyoko belegiwang o nyoko bitsiwa wa go hlawolega, Morwayi wa Modimo. 36 Lešaga lago Elizabheta, yenela wa gore ne ba re aa belege, o yimme a šele a titsofalele, fote o šele a na le kobodi ya dikgwedi; 37 ka taba la gore a se šiyo sa gore a se kgonege ga Modimo.” 38 Mariya a re: “Bona! Ke nna lelata la Jehova la ngwannyana! Nkare go ka makega ka mokgo o hlayyeng.” Mo a reyane, lengeloyi lela la tloga hone gage.

39 Ka matšatši yanane, Mariya a tloga a ya ga poleke ye nngwana ya dithabeng yo ne yi le dimitšaneng tsa Juda, 40 a kena gaye ga Zakariya, a tamisa Elizabheta. 41 Mo Elizabheta a kwa Mariya a mo tamisa, ngwana ye ne a le ka mpeng yage a ragaraga, Elizabheta a tlala ka moya wa go hlawolega 42 a yahlamela a re: “Wene o rufegiye gare ga basadi ka moka, le popelo yago yi rufegiye! 43 Go ro maka byang mo ke šinya ke tshwanela ke go vakašela ke mmane wa Morena waka? 44 Ka taba la gore nakwela ke kwa o ntamisa, ngwana ye a leng ka mpeng yaka o tshidiye a jabodiye. 45 Fote go jabola ye a yyeng a dumela, ka taba la gore go nyoko makega tso Jehova a di hlayyeng ka yene.”

46 Ke mokane Mariya a re: “Ke thanaka Jehova, 47 fote pelo yaka yi nyoko fo dula yi jabolela Modimo wa go Mphonisa, 48 ka taba la gore o bonne go tinyanafatsa ga lelata lage la ngwannyana. Go tlugisela gana byalo, meloko ka mokana ga yona yi nyoko re ke jabodiye, 49 ka taba la gore Ye wa matšhika o mmakele dilo tse dikgolo, fote lebitso lage le hlawolegiye, 50 go tlugisela ga moloko wo mongwana go ya ga wo mongwana, ba gore baa mo tšhaba o ba kwela go baba. 51 O makiye dilo ka mokana ga tsona ka letsogo lage la matšhika; a maka gore ba go ba le magetla ba palakane. 52 O phulusiye banna ba matšhika ditulong tsa go lawola, a kakola ba go sa re selo a ba beya gedimo, 53 o kgurisiye ba go kwa tlala ka dilo tsa gabutši, ke mokane ba gore ba ghannye a re ba sologe ba kene ba lekalekisiye matsogo. 54 O gelepiye Israyele lelata lage, go šupetsa gore o nyoko dula a le kwela go baba, 55 a boya a kwela Abhrahama le bana bage go ya ka mokgonola a butsiyeng bokokwane ba rune.” 56 Mariya a dula naye gana hala ga dikgwedi ka ditharo ke mokane a sologa a ya mutšing wage.

57 Gwa segela nako ya gore Elizabheta a belege, a belega ngwana wa mošomanyana. 58 Bayagelani bage le mašaga yage ba kwa gore Jehova o mo kwele go baba ka matla, ba jabola naye. 59 Ka letšatši la mabala, ba ya go bolotsa ngwanela, fote ke mo ba re ba mo reyela ka papage Zakariya. 60 Mara mmane wage a fetola a re: “Awwa! o nyoko bitsiwa Johane.” 61 Mo a reyane ba re gage: “A go na le lešaga lago ka lloši la go ba le lebitso lone.” 62 Ba butsisa papage ba kene ba šupašupa gore o nyaka ba re ke mang. 63 Papage a kgopela letlapa la sepsyatla a ngwala ga lona gore: “Lebitso lage ke Johane.” Tsotsone dya ba makatsa. 64 Ka nako yonone, molomo wage wa bulega le lleme lage la wolologa, a thomisa go bolabola, a thanaka Modimo. 65 Bo ke mo ba dula thina nabo ba thomisa go tšhoga, ke mokane gwa thoma go bolabodiwa ka dilo tsowa ka mokana ga tsona, polekeng ka mokana ga yona ya dithaba ya Judiya. 66 Fote ka mokana ga bona bo ba di kweleleng ba bolabola ka dipelong ba re: “Ngwanewa go nyoko tla go ba ying?” Ka gore letsogo la Jehova ke mo le le naye.

67 Papage Zakariya a tšhofa ke moya wa go hlawolega ke mokane a thomisa go porofeta, a re: 68 “Go thanakiwe Jehova, Modimo wa Israyele, ka taba la gore o kwele batho bage go baba fote o nyoko ba phonisa. 69 Fote o tlisiye motho wa gore o na le matšhika ye a ko re phonisang wa gore o tšwa ntlong ya Dafita lelata lage, 70 go ya ka mokgo a bolabodiyeng a berekisa baporofeta ba botala ba go hlawolega, 71 o hlayye gore o nyoko re phonisa ga manaba ya rune le ga bo ba re hloyyeng; 72 o nyoko re kwela go baba go ya ka mokgo a tshepisiyeng bokokwane ba rune fote o nyoko gopola kwano ya go hlawolega yo a yi makiyeng. 73 Sowa ke so a se tshepisiyeng kokwane wa rune, Abhrahama, 74 ka nthago ga gore Modimo a re phonise ga bo ba re hloyyeng, re nyoko mmerekela re sa tšhabe selo, 75 gore re tshepege fote re make tsa gabutši mo re kene re phela. 76 Mara wene ngwanaka, o nyoko bitsiwa moporofeta ye mogolo, ka taba la gore Jehova o nyoko go roma mahlong gage gore o mo lukisele ditsela, 77 gore o tšhutise batho bage gore a thogo ba phonisa ka go ba tshwarela ga tso ba di sinnyeng, 78 ka taba la gore Modimo o re kwela go baba ka matla fote o nyoko re leyela motho wa gore o nyoko re khanyisela go tshwana le mo go khanya motshegare, 79 gore a khanyisele bo ba gore ba ga senyama fote ba koramele ke likgu nkare ke morithi, le go ba yetetsa gore ba sepele ba bebiye.”

80 Ke mokane ngwanela a gola go segela a tiyelela ga tso tsa Modimo, a fo ya mahlong a le polekeng ya kgwaakgwa go segela nako ya gore a ye a botse Maisrayele molayetsa wa Modimo.