Tsowa di Hlatolla ke Luka

4 Jeso a tloga nokeng ya Jorodane. Modimo a mo neya moya wa go hlawolega, moya wone wa maka gore a ye ku mašahleng, 2 o fetsiye 40 ya matšatši a le gana hone. Byalo, ka taba la gore ke mo a sa je selo ka matšatši yane, mo ma fela, o yye a thomisa go kwa tlala, ke mokane Diyabolo a mo liketsa. 3 A re gage: “Ho nkare ke wene morwayi wa Modimo, botsa letlapa lowa le tšhentšhe le be sekgwa.” 4 Jeso a mo fetola a re: “Go ngwadiwwe gore: ‘Motho a ka sa phele ka sekgwa fela.’”

5 Diyabolo a mo tseya ka go yakgoswa a ya naye gedimo ga thaba, a mo šupetsa memmušo ya lefase lowa. 6 Ke mokane Diyabolo a re gage: “Ke nyoko maka gore o lawole dilo tsowa ka mokana ga tsona le go bafala ga tsona, dilo tsowa ka mokana ga tsona ke tsaka fote ke di neya ye ke nyakang go mo neya tsona. 7 Mo o ka fo nthinyela letolo wa nrapela, nko go neya tsona.” 8 Jeso a mo fetola a re: “Go ngwadiwwe gore, ‘Ke Jehova Modimo wago ye o tshwaneleng go mo rapela, fote ke yene a ntoši ye o tshwaneleng go mo makela mmereko wa go hlawolega.’”

9 Ke mokane Diyabolo a ya naye Jerusalema, a mmeya gedimo ga sewokamelo* sa tempele, a re gage: “Mo nkare ke wene morwayi wa Modimo, tiwisele fase, 10 ka taba la gore go ngwadiwwe gore, ‘O nyoko romela mangeloyi yage gore ma go kabe,’ 11 ‘Mangeloyi yane ma nyoko go kakola gore le mong loto lago le sa tikisi letlapa.’” 12 Jeso mo a mo fetola a re: “Go ngwadiwwe gore, ‘O sa liketse Jehova Modimo wago.’” 13 Mo Diyabolo a fetsiye go mo liketsa, a napa a tloga gana hone, a yemela gore a thulegele ke lešuba le lengwana fote, la gore a tle a mo liketse.

14 Jeso a kraya matšhika ga moya wa go hlawolega ke mokane a boyela Galeliya. Dilo tsa gabutši tso ke mo a di maka dya tšibiwa polekeng yone ka mokana ga yona. 15 Fote a thomisa go tšhutisa le disinagogeng, batho ka mokana ga bona ba mo hlompa.

16 Ke mokane a ya polekeng ya Nazareta, mo a goleleng gona, a kena sinagogeng ka letšatši la Sabatha go ya ka mokgo ne a tlwayele ka gona, a yemelela gore a bale. 17 Ba neya Jeso lengwalo la go phutiwa la moporofeta Jesaya, a le phutulla ke mokane a kraya le ngwadiwwe gore: 18 “Moya wa Jehova wo ho gaka, ka taba la gore wo nhlawodiye gore ke sabalatse ditaba tsa go bafala ga bo ba go tihlupegela. Wo nromme gore ke tšhomayele ditaba tsa gore di nyoko lokolla bo go leng mabhantiti fote di make gore bo ba go popela maahlo ba bone, le go maka gore bo ba go tihlupegela ba sepele ba lokologiye, 19 fote wo nromme gore ke ba botse gore ke nako ya gore Jehova a rufe batho.” 20 Mo a fetsiye a le phuta, a le neya wa go pasopa gana hone sinagogeng, a dula fase; ka mokana ga bona ku sinagogeng ba mo lebelela. 21 Byalo, Jeso a thomisa gore ga bona: “Tsowa di bolabolang ke lengwalo lowa, di makegiye lekgono.”

22 Ka mokana ga bona ba thomisa go bolabola dilo tsa gabutši ka yene fote ke mo ba makatsiye ke mantsu ya go natefa ya ma tšwang molomong wage, fote ke mo ba re: “Anthe a yi morwayi wa Josefa yewa?” 23 Ke mokane a re ga bona: “A ke kamake gore le nyoko re gaka, ‘Wene togotela, tiyalafe re bone. Re di kwile tso o di makiyeng ku Kapernawume, di make le gana howa o dulang gona.’” 24 Jeso a re ga bona: “Ke le botsa nnete, moporofeta aa yamogediwi mo a tšwang gona. 25 Mara ke le botsa nnete, gore: Ke mo go na le basadi ba go hlokofalela ke banna ku Israyele ka dinako tsa Eliya, nakwela go fela mengwaga ka meraro le kobodi ya dikgwedi go sa ne pula, gwa šinya go ba le tlala ye kgolo ga naga yone ka mokana ga yona. 26 Le mo go le ka mokgonone, Eliya a baa mo romela ga basadi bone, ba mo romele ga mosadi wa go kgwela ke monna wa ku Zarephata ga naga ya Sidoni. 27 Fote ke mo go na le batho ba go tlala, ba gore ke mo ba na le bolwele bya go jega dinama byo ba reng ke lephera ku Israyele ka dinako tsa moporofeta Eliša, mara aa šiyo le ka wwoši wa gore o yye a yalafiwa, go fo ba Naamane wa Siriya a ntoši.” 28 Byalo, batho ba go tlala bo ne ba le sinagogeng ba yye ba fufulela ka matla mo ba kwa ka taba yone, 29 ke mokane ba tlogamela ba tseya Jeso ba ya naye thabeng yo ne ba yagiye mutši wa bona ga yona, gore ba thogo mmošela ku fase. 30 Mara Jeso o yye a khwanyudisa a ba šiya gana mone a napa a ya.

31 A ya Kapernawume, polekeng ya Galeliya. Ke mokane a ba tšhutisa go le ka Sabatha, 32 batho bo ne a ba tšhutisa ba yye ba makatsa nka mokgo a tšhutisang ka gona, ka taba la gore tso ne a di bolabola ke mo di šupetsa gore o na le matšhika. 33 Byalo ka ku sinagogeng ke mo go na le monna ye mongwana wa go ba le ledimona, a yahlamela a re: 34 “Anthe o re tshwarisiye yifeng wene Jeso wa Lenazareta? O nyaka go napa o fetsa ka rune? Ke di tšiba gabutši gore ke wene mang. Ke wene wa go hlawolega wa gore fote o romme ke Modimo.” 35 Jeso a lakatsa ledimona lela a re: “Kgomolela, o tšwe hone ga motho yene!” Ledimona lela la bošela motho yela ho fase ba kene ba mo lebelele, ke mokane la tšwa le sa mo kwaletsa. 36 Batho ba thomisa go makala, ba bolabola bona beng ba re: “Ke mabolabolelo ya mošaga mang yanawa? Motho yewa o na le matšhika ya go raka madimona, fote maa tšwa!” 37 Tso a di makiyeng dya yakgoswa di tlala ga poleke yone ka mokana ga yona.

38 Mo a tloga mone sinagogeng a ya ga bo Simone. Byalo matsala wa Simone ke mo a yetsele ka taba la gore ne a lwala, mmele wage wo fisa ka matla, ba kgopela Jeso gore a mo gelepe. 39 Ke mokane Jeso a šutela thina gage a mo yalafa. Matsala wa Simone a fola, a napa a thomisa go ba yapegela tsa go ja.

40 Ho le šele le kgwalele, ba mo leyela batho ba malwele ya mehlobohlobo. A ba beya matsogo ka mokana ga bona a ba yalafa. 41 Le madimona ma tšwa ga batho ba go tlala ma yahlamela ma re: “Ke wene Morwayi wa Modimo.” Mara mo Jeso a kene a ma lakatsa, ke mo a sa nyake ma bolabola ka taba la gore ne ma di tšiba tsa gore ke yene Kreste.

42 Ke mokane a tsoga go sa le ka phu, a ya ga poleke ya gore yi thoko nyana. Mogoba wa thomisa go mo nyakela wa šinya wo mo kraya, wa liketsa go mo thibelela gore a sa tloge. 43 Mara a re ga wona: “Di nyaka ke sabalatse ditaba tsowa tsa Mmušo wa Modimo le ga dipoleke tse dingwana, ka taba la gore ke so ba nrommeng gore ke tl’le se makeng.” 44 A ya a tšhomayela disinagogeng tsa Judiya.