9 Kgošigadi ya kua Sheba+ e ile ya kwa pego ya mabapi le Solomone, ke moka ya tla Jerusalema go tlo leka Solomone ka dipotšišo tše di tlabago,+ ya tla e sepela le molokeloke o motelele wa batho le dikamela+ tše di bego di rwele makhura a bitšwago balesamo,+ gauta+ e ntši kudu le maswika a bohlokwa.+ Ya fihla go Solomone ya bolela le yena ka tšohle tšeo di bego di le ka pelong+ ya yona.

42 Kgošigadi ya borwa+ e tla tsošwa le moloko wo kahlolong gomme e tla o bona molato gobane e ile ya tla e etšwa kgolekgole gore e tle e kwe bohlale bja Solomone. Eupša ke re yo a fetago Solomone ka bogolo o gona mo.+