11 Wena Jehofa, o yo mogolo,+ o na le maatla,+ dilo ka moka tše dibotse ke tša gago, o a hlomphega ebile o na le seriti.+ Ka gobane dilo ka moka legodimong le lefaseng ke tša gago.+ Wena Jehofa,+ mmušo ke wa gago ebile o laola dilo ka moka.

17 “Wena Mmuši Morena Jehofa, ke wena yo a dirilego magodimo le lefase ka maatla a gago a magolo+ le ka seatla sa gago se maatla. Ga go na selo le ge e le sefe seo se ka go palelago. 18 Wena yo a bontšhago batho ba dikete lerato la gago le legolo,* eupša wa dira gore barwa ba welwe ke ditlamorago tša melato ya botatago bona,+ wena Modimo wa nnete, yo mogolo, le yo a nago le maatla, yena yoo leina la gagwe e lego Jehofa wa madira. 19 O Modimo yo a neago keletšo e kgahlišago kudu, le yo a dirago dilo tše kgolo.+ Wena yo a bonago dilo ka moka tšeo batho ba di dirago,+ e le gore o putse motho yo mongwe le yo mongwe go ya ka tsela yeo a itshwarago ka yona le go ya le ka dilo tšeo a di dirago.+