11 Bjale ge ba le kgauswi le go batamela Jerusalema, ba ile ba fihla Thabeng ya Mehlware, moo go bego go na le motsana wa Bethefage le wa Bethania.+ Jesu o ile a roma barutiwa ba gagwe ba babedi+ 2 a re go bona: “Eyang motsaneng wola o lego kua pele, ge le se na go tsena go wona le tla hwetša tonkana yeo e sa kago ya namelwa e bofilwe, le e bofolle le e tliše mo. 3 Ge e ba motho yo mongwe a ka le botšiša a re: ‘Ke ka baka la eng le bofolla tonkana yeo?’ Lena le re: ‘Morena o a e hloka, gomme o tla e buša mo kapelapela.’”

28 Ka morago ga ge a boletše dilo tše, o ile a tšwela pele ka leeto la gagwe a rotogela Jerusalema. 29 Ge a fihlile kgauswi le Bethefage le Bethania thabeng yeo e bitšwago Thaba ya Mehlware,+ o ile a roma barutiwa ba gagwe ba babedi+ 30 a re: “Eyang motsaneng wola o lego kua pele. Ge le tsene go wona le tla hwetša tonkana yeo e sa kago ya namelwa e bofilwe. Le e bofolle le e tliše mo. 31 Eupša ge e ba motho yo mongwe a ka le botšiša a re, ‘Ke ka baka la eng le e bofolla?’ Lena le re: ‘Morena o a e hloka.’”