38 Moperisita Tsadoko, moporofeta Nathane, Benaya+ morwa wa Jehoyada, Bakereta gotee le Bapelethe+ ba ya ba nametša Solomone meila ya Kgoši Dafida,+ ke moka ba mo iša Gihone.+

40 Ka morago ga moo, batho ka moka ba mo šala morago ba letša dinaka ebile ba thabile kudu moo lefase le ilego la bulega ka bogare ka baka la lešata la bona.+

7 Ba tliša tonkana+ yeo go Jesu, ba bea diaparo tša bona tša ka ntle godimo ga yona, ke moka Jesu a e namela.+ 8 Le gona batho ba bantši ba ile ba ala diaparo tša bona tša ka ntle tseleng, eupša ba bangwe ba kga makala a mehlare yeo e bego e le kgauswi le tsela.+ 9 Bao ba bego ba sepela pele ga gagwe le bao ba bego ba mo šetše morago, ba be ba dulela go goeletša ba re: “Re rapela gore o mo šireletše!+ Go šegofaditšwe yo a tlago ka leina la Jehofa!*+ 10 Go šegofaditšwe Mmušo wo o tlago wa tatago rena Dafida!+ Re rapela gore o mo šireletše, wena yoo o lego magodimodimong!” 11 A tsena Jerusalema gomme a ya tempeleng, ke moka a lebelela dilo ka moka tšeo di bego di mo dikologile eupša ka ge nako e be e šetše e ile, o ile a tšea baapostola ba gagwe ba 12 a ya le bona Bethania.+

14 Ge Jesu a hweditše tonkana, o ile a e namela+ bjalo ka ge go ngwadilwe gore: 15 “O se ke wa tšhoga wena morwedi wa Tsione. Kgoši ya gago e a tla, e nametše tonkana.”+