12 Le gona a thoma go bolela le bona ka dipapišo a re: “Monna yo mongwe o ile a bjala meterebe mašemong a gagwe,+ a a ageletša ka leboto gomme a epa segatelo sa diterebe a ba a aga le moago o motelele* moo.+ Ke moka a a fa balemi gore ba a hlokomele, yena a ya nageng ya kgole.+ 2 Ge sehla sa dienywa se fihla o ile a roma mohlanka wa gagwe go balemi gore a ye a tšee tše dingwe tša dienywa tša mašemong ao. 3 Eupša balemi bao ba ile ba mo swara, ba mmetha, ba mmušetša morago a se a swara selo. 4 A romela mohlanka yo mongwe gape go bona, le yena ba mo itia hlogo gomme ba mo hlompholla.+ 5 A romela yo mongwe gape, yena ba mmolaya ba ba ba bolaya le ba bangwe ba bantši, bao ba bangwe ba bona ba ilego ba ba betha gomme ba bangwe ba bona ba ba bolaya. 6 Ke moka mong wa mašemo a romela morwa wa gagwe yoo a bego a mo rata+ go balemi. A re: ‘Ba tla hlompha morwa wa ka.’ 7 Eupša balemi bao ba boledišana ba re: ‘Yo ke yena mojabohwa.+ Etlang re mmolayeng gomme bohwa e tla ba bja rena.’ 8 Ka gona ba mo swara, ba mmolaya ba mo lahlela ka ntle ga mašemo a meterebe.+ 9 Mong wa mašemo a meterebe o tla dirang? O tla tla a bolaya balemi bao gomme a nea balemi ba bangwe mašemo ao.+

9 Ke moka a thoma go botša batho papišo a re: “Monna yo mongwe o ile a bjala meterebe+ mašemong a gagwe ke moka a a fa balemi gore ba a hlokomele, yena a ya nageng ya kgole. O ile a tšea nako e telele a ile moo.+ 10 Ge sehla sa dienywa se fihla o ile a roma mohlanka wa gagwe go balemi gore ba mo fe tše dingwe tša dienywa tša mašemong ao. Eupša balemi bao ba ile ba mmetha gomme ba mmušetša morago a se a swara selo.+ 11 Le ge go le bjalo, o ile a romela mohlanka yo mongwe gape. Mohlanka yoo le yena ba ile ba mmetha, ba mo hlompholla gomme ba mmušetša morago a se a swara selo. 12 A romela mohlanka wa boraro, le yena ba mmetha ba ba ba mo lahlela ka ntle. 13 Ke moka mong wa mašemo ao a ipotšiša a re: ‘Bjale ke tla dira eng? Ke tla romela morwa wa ka yo ke mo ratago.+ Mohlomongwe yena ba tla mo hlompha.’ 14 Ge balemi bao ba bona morwa yoo ba ile ba boledišana ba re: ‘Yo ke yena mojabohwa, etlang re mmolayeng gore bohwa e be bja rena.’ 15 Ka gona ba mo lahlela ka ntle ga mašemo ao gomme ba mmolaya.+ Bjale mong wa mašemo ao o tla ba dira eng? 16 O tla tla a bolaya balemi bao gomme a nea balemi ba bangwe mašemo ao.”

Ge batho bao ba ekwa seo ba re: “Anke seo se se ke sa tsoga se diregile!”