Baheberu
2 Ke ka baka leo go lego bohlokwa gore re naganišiše ka dilo tšeo re di kwelego,+ e le gore re se ke ra aroga.+ 2 Ka gobane ge e ba seo se boletšwego ke barongwa+ e le nnete, gomme motho yo mongwe le yo mongwe yo a tshetšego molao le yo a sa kwego a otliwe ka toka,+ 3 gona re tla phonyokga bjang ge e ba re se na taba le phološo e kgolo gakaaka?+ Ka gobane Morena wa rena ke yena a thomilego go bolela ka phološo yeo,+ gomme batho bao ba mo kwelego ba hlatsela taba yeo. 4 Le Modimo o ile a ba kgonthišetša ka go dira mehlolo le dilo tše di makatšago tše di fapafapanego,+ le ka go ba nea moya o mokgethwa ka go dumelelana le seo a se ratago.+
5 Modimo ga se a bea barongwa gore ba buše lefase leo le tlago,+ leo re bolelago ka lona. 6 Eupša hlatse e nngwe e kile ya re: “Motho ke eng moo o bilego o dula o nagana ka yena, goba morwa wa motho ke eng ge o bile o mo hlokomela?+ 7 O mo file maemo a ka tlasana ga a barongwa, wa ba wa mo fa letago le seriti, gomme wa mmea gore a hlokomele dilo ka moka tšeo o di bopilego ka diatla tša gago. 8 O dirile gore a laole dilo ka moka.”+ Ge Modimo a be a dira gore a laole dilo ka moka,+ ga se a dira gore go se be le selo seo a sa se laolego.+ Eupša gona bjale ga se ra tšwa re bona dilo ka moka tšeo a di laolago.+ 9 Eupša re bona Jesu yo o bego o mo file maemo a ka tlasana ga a barongwa,+ yo a neilwego letago le seriti ka ge a ile a hwa lehu le sehlogo,+ ka baka la botho bjo bogolo bja Modimo o ile a hwela motho yo mongwe le yo mongwe.+
10 Dilo ka moka di gona ka baka la letago la Modimo, ebile di gona ka baka la gagwe. Ka gona, e le gore a dire gore barwa ba bantši ba be le letago,+ go be go swanetše gore Modimo a dumelele Moemedi wa bona yo Mogolo gore a tlaišege,+ ka go dira bjalo o ile a swanelega go ba phološa.+ 11 Jesu le bohle bao a ba dirilego ba bakgethwa,+ ka moka ba na le tate o tee,+ ke ka baka leo a sa lewego ke dihlong tša go ba bitša banababo,+ 12 ka ge a re: “Ke tla tsebatša leina la gago go banabešo, ke tla go tumiša gare ga phuthego ka dikoša.”+ 13 Le gona a re: “Ke tla mo tshepa.”+ A ba a re: “Ke nna yo le bana ba banyenyane bao Jehofa* a nneilego bona.”+
14 Ka gona, ka ge “bana ba banyenyane” e le batho ba nama le madi, le yena o ile a ba motho wa nama le madi,+ gore ka lehu la gagwe a tle a fediše Diabolo,+ e lego yena yo a nago le maatla a go baka lehu,+ 15 le gore a tle a lokolle bohle bao ba feditšego bophelo ka moka e le makgoba ka baka la go tšhaba lehu.+ 16 Ka gobane ge e le gabotse ga a thuše barongwa, eupša o thuša ditlogolo tša Aborahama.+ 17 Ka gona, o ile a swanelwa ke gore a swane le “banababo” dilong ka moka,+ gore e tle e be moperisita yo a phagamego yo a hlankelago Modimo a na le kgaugelo ebile a tshepega, e le gore a neele sehlabelo gore a boelanye batho le Modimo+ ka baka la dibe tša bona.+ 18 Ka ge yena ka boyena a ile a tlaišega ge a be a lekwa,+ o kgona go thuša bao ba lekwago.+