Psalme

85 Wena Jehofa, o bontšhitše batho ba naga ya gago botho,+

Wa buša bana ba Jakobo bao ba bego ba išitšwe bothopša.+

 2 O swaretše batho ba gago molato wa bona,

Wa ba lebalela dibe tša bona ka moka.+ (Selah)

 3 O ile wa itshwara gore o se galefe,

Gomme wa tlogela go galefa kudu.+

 4 Re amogele gape hle Modimo yo a re phološago,

Gomme o se sa re galefela.+

 6 Na o ka se re amogele gape,

E le gore batho ba gago ba go thabele?+

 7 Re bontšhe lerato la gago le le botegago hle Jehofa,+

Gomme o re phološe.

 8 Ke tla theetša seo Jehofa Modimo wa nnete a se bolelago,

Ka gobane o tla botša batho ba gagwe mantšu a khutšo,+ e lego bona bahlanka ba gagwe bao ba botegago.

Anke ba se ke ba itshepa kudu go swana le peleng.+

 9 Ruri o tla phološa bao ba mmoifago,+

E le gore a dule a hlomphiwa nageng ya rena.

10 Batho ba tla bontšhana lerato le le botegago gomme ba tshepega.

E tla ba ba ba lokilego ebile go tla ba le khutšo.+

11 Go tshepega go tla hloga bjalo ka dibjalo mo lefaseng,

Gomme toka ya Modimo e tla bonagala bjalo ka seetša seo se phadimago se etšwa magodimong.+

12 Ruri Jehofa yena o tla re nea se sebotse,+

Gomme naga ya gabo rena e tla tšweletša dienywa tša yona.+

13 Go loka go tla sepela pele ga gagwe,+

Gomme gwa mmulela tsela.