Jesaya
2 Jehofa Mmopi wa gago,
Yena yo a go dirilego,+
Le yo a go thušitšego go tloga o sa le ka mpeng, o re:
Ke tla tšhollela moya wa ka baneng ba gago,+
Ka ba ka šegofatša ditlogolwana tša gago.
4 Ba tla mela bjalo ka bjang bjo botala,+
Le go swana le mehlare ya mepopoliri yeo e melago kgauswi le moo go elelago meetse.
5 Motho o tla re: “Ke wa Jehofa.”+
Yo mongwe o tla ipitša ka leina la Jakobo,
Gomme motho yo mongwe yena o tla ngwala ka seatleng sa gagwe a re: “Ke wa Jehofa.”
Le gona o tla ipitša ka leina la Isiraele.’
‘Ke nna wa mathomo ebile ke nna wa mafelelo,+
Ga go na Modimo yo mongwe ka ntle le nna.+
7 Ke mang yo a swanago le nna?+
Ge e ba a le gona a a bolele, gomme a tliše bohlatse go nna.+
Na go na le motho yo go tloga nakong ya ge ke be ke kgetha setšhaba sa kgale
A ka bolelago dilo tšeo di lego kgauswi le go direga
Le tšeo di sa tlago go direga?
Na ga se ka botša yo mongwe le yo mongwe wa lena dilo ka moka e sa le pele?
Le dihlatse tša ka.+
Na go na le Modimo yo mongwe ka ntle le nna?
Aowa, ga go na Leswika+ le lengwe. Ga go na leo ke le tsebago.’”
9 Batho ka moka bao ba dirago diswantšho tšeo di betlilwego ga ba na mohola,
Le medimo ya bona yeo ba e ratago e ka se ba hole ka selo.+
Le ge medimo yeo e le dihlatse tša bona ga e bone selo ebile ga e tsebe selo,+
Bjale bao ba e dirilego ba tla hlabišwa dihlong.+
11 Tsebang gore batho ka moka bao ba dirišanago le motho yoo ba tla hlabišwa dihlong.+
Batho bao ba dirago medingwana e no ba batho feela.
Ba tla kgobokana ka moka ga bona gomme ba ema ba sa šišinyege.
Ba tla tšhoga gomme ka moka ga bona ba hlabja ke dihlong.
12 Motho yo a šomago ka tšhipi o fiša tšhipi yeo magaleng,
Gomme a e kgatla ka hamola
A diriša diatla tša gagwe tšeo di tiilego.+
Ke moka a thoma go swarwa ke tlala gomme a felelwa ke maatla.
Ga a nwe meetse, ka gona o a lapa.
13 Ge e le mmetli wa kota, o otlolla thapo ya go meta, gomme a thala kota yeo ka tšhoko e khwibidu.
O e gohla ka selo sa go gohla kota, gomme a e thala ka khamphase yeo e šomišwago ke mmetli.
Ke moka a e betla a e swantšha le motho,+
A e dira e botse go swana le motho,
Gore a e bee ka ntlong.+
14 Go na le yo a šomago go rema mehlare ya metsedara.
O kgetha mohuta o itšego wa mohlare, e lego mohlare o mogologolo,
O a o tlogela gore o gole, le gore o tie gare ga mehlare yeo e lego sethokgweng.+
O bjala mohlare wa molorele, gomme ge pula e ena, e a o godiša.
15 Ke moka a o šomiša gore e be dikgong tša go gotša mollo.
O tšea tše dingwe tša dikgong tšeo di tšwago mohlareng woo a gotša mollo woo gore a tle a o orele.
O gotša mollo gomme a dira borotho.
Ebile o šomiša wona mohlare woo go dira modingwana ke moka a o rapela.
Le gona o dira seswantšho seo se betlilwego ka wona gomme a se khunamela.+
16 Tše dingwe tša dikgong tšeo o di fiša mollong,
Gomme tše dingwe o dira mollo ka tšona gore a beše nama yeo a ka e jago gomme a khora.
O a ikomoša ke moka a re:
“Agaa! Ke ruthetše. Mollo wo o bose bjang.”
17 Eupša ka kota e šetšego o dira modimo,
A itirela seswantšho seo se betlilwego.
O a se khunamela, gomme a se rapela a re go sona:
“Mphološe, ka gobane o modimo wa ka.”+
18 Batho bao ba dirago diswantšho tšeo ga ba tsebe selo ebile ga ba kwešiše selo,+
Ka gobane mahlo a bona a tswaletšwe ebile ga ba bone selo,
Le dipelo tša bona ga di lemoge selo.
19 Ga go na yo a naganišišago ka pelong ya gagwe,
Goba yo a nago le tsebo goba yo a kwešišago a rego:
“Ke fišitše tše dingwe tša dikgong tšeo mollong,
Ka dira borotho ka ba ka beša nama magaleng a mollo woo gomme ka e ja.
Bjale na nka tšea dikgong tše di šetšego ka dira selo se se šišimišago ka tšona?+
Na nka khunamela kota ya mohlare?”
20 O ja melora.
Pelo ya gagwe yeo e forilwego e mo timeditše.
Ga a kgone go iphološa, ebile ga a re:
“Ke swere selo seo se se nago mohola ka seatleng sa ka sa le letona.”
21 “Gopola dilo tše, wena Jakobo, wena Isiraele,
Ka gobane o mohlanka wa ka.
Ke go bopile ebile o mohlanka wa ka.+
Wena Isiraele, nka se go lebale.+
22 Ke tla phumola diphošo tša gago+
Gomme ka khupetša dibe tša gago bjalo ka ge eka di khupeditšwe ke leru.
Boela go nna ka gobane ke tla go rekolla.+
23 “Goeletšang le thabile lena magodimo,
Ka gobane Jehofa ke yena a dirilego dilo tše!
Hlabang mokgoši wa go bontšha gore le fentše, lena dikarolo tša tlasetlase tša lefase!
Goeletšang le thabile lena dithaba,+
Le wena sethokgwa le dihlare ka moka tšeo di lego go wena,
Ka gobane Jehofa o rekolotše Jakobo,
Gomme a bontšha botse bja gagwe a diriša Isiraele.”+
“Ke nna Jehofa yo a dirilego dilo ka moka,
Ke mang yo a bego a na le nna?
25 Ke dira gore dipontšho tša batho bao ba se nago mohola di bonagale gore ke maaka,
Le gona ke dira gore bao ba rego ba kgona go bolela dilo tšeo di sa tlago go direga ba itshware bjalo ka ditlaela.+
Ke dira gore batho ba bohlale ba gakanege,
Ebile ke fetoša bohlale bja bona gore e be bošilo.+
26 Ke dira gore seo mohlanka wa ka a se bolelago e be nnete,
Ebile ke phethagatša selo se sengwe le se sengwe seo batho bao ke ba romilego ba bolelago gore se tlo direga e sa le pele,+
Ke bolela ka Jerusalema, ke re: ‘Batho ba tla dula go yona,’+
Gomme ke bolela ka metse ya Juda ke re: ‘E tla agwa leswa,+
Ebile ke tla tsošološa marope a yona.’+
27 Ke re go bodiba: ‘Pšhaa!
Dinoka tša gago ka moka ke tla di omiša.’+
28 Ke bolela ka Korese,+ ke re: ‘Ke modiši wa ka,
Gomme o tla dira dilo ka moka tšeo ke nyakago gore di direge.+
Ke bolela ka Jerusalema, ke re: ‘E tla agwa leswa.’
Ke bolela ka tempele, ke re: ‘Fantešeni ya yona e tla dirwa.’”+